Альжбета з Радзівілаў

Альжбета (Лізавета) Тэнчынская (1585—1618) — прадстаўніца магнацкага і княжацкага роду Радзівілаў.

Альжбета з Радзівілаў
Партрэт Альжбеты
Нараджэнне	15 верасня 1585(1585-09-15)[1] Чарнаўцы, Малдаўскае княства
Смерць	1618
Род	Радзівілы
Бацька	Мікалай Крыштаф Радзівіл Сіротка[2]
Маці	Альжбета Яўхімія з Вішнявецкіх[3]
Муж	Габрыэль Тэнчынскі[d][2][4] і Крыштаф Кішка[2]

У паняцця ёсць і іншыя значэнні, гл. Альжбета Радзівіл.

Біяграфія

Партрэт Альжбеты на гравюры

З нясвіжскай лініі роду Радзівілаў герба «Трубы», дачка Мікалая Крыштафа «Сіроткі», ваяводы віленскага, і Альжбеты Яўхіміі з Вішнявецкіх. Мела братоў Жыгімонта Караля, Альбрэхта Уладзіслава, Яна Ежы і Аляксандра Людвіка.

Першы муж з 1603 года — ваявода люблінскі Габрыэль Тэнчынскі  (польск.) (1572—1617). Мелі дачку Соф’ю.

Другім мужам гравюра з партрэтнай галерэі Радзівілаў называе ваяводу віцебскага Крыштафа Кішку, але гэты факт, хоць і шырока растыражаваны ў літаратуры, не знаходзіць пацверджання ні ў біяграфіі Крыштафа Кішкі, ні ў логіцы падзей. Габрыэль Тэнчынскі памёр у 1617 годзе, праз год памерла і сама Альжбета. Малаверагодна, што яна магла ажаніцца хоць з кім у такім хуткім часе. Да таго ж Рэгіна Галоўчынская, першая жонка Крыштафа Кішкі, памерла толькі ў 1640 годзе. Гэта гістарыяграфічная недарэчнасць прывяла да таго, што вядомы партрэт Альжбеты скрозь называецца партрэтам Альжбеты Кішкі.

У мастацтве

Асноўны артыкул: Партрэт Альжбеты Кішкі

Захаваўся партрэт з серыі «партрэтаў у лаўровым вянку» невядомага мастака^[5].

Зноскі

1. https://upload.wikimedia.org/wikipedia/commons/5/57/Al%C5%BEbieta_T%C4%99czy%C5%84ska-Ki%C5%A1ka_%28Radzivi%C5%82%29._%D0%90%D0%BB%D1%8C%D0%B6%D0%B1%D0%B5%D1%82%D0%B0_%D0%A2%D1%8D%D0%BD%D1%87%D1%8B%D0%BD%D1%81%D0%BA%D0%B0%D1%8F-%D0%9A%D1%96%D1%88%D0%BA%D0%B0_%28%D0%A0%D0%B0%D0%B4%D0%B7%D1%96%D0%B2%D1%96%D0%BB%29_%28H._Lajbovi%C4%8D%2C_1758%29.jpg
2. Radziwiłłowie herbu Trąby — Warszawa: Archiwum Główne Akt Dawnych, Wydawnictwo DiG, 1996. — 67 с. — ISBN 83-85490-62-0

   <a href='https://wikidata.org/wiki/Track:Q270'></a><a href='https://wikidata.org/wiki/Track:Q7209884'></a><a href='https://wikidata.org/wiki/Track:Q9379197'></a><a href='https://wikidata.org/wiki/Track:Q121885404'></a>
3. Czamańska I. Wiśniowieccy: monografia rodu — Poznań: Wydawnictwo Poznańskie, 2007. — С. 99. — 552 с. — ISBN 978-83-7177-229-0

   <a href='https://wikidata.org/wiki/Track:Q11711731'></a><a href='https://wikidata.org/wiki/Track:Q9379244'></a><a href='https://wikidata.org/wiki/Track:Q130214150'></a>
4. Kniaziowie litewsko-ruscy od końca czternastego wieku / пад рэд. J. Wolff — Warszawa: 1895. — С. 616.

   <a href='https://wikidata.org/wiki/Track:Q125352562'></a>
5. Высоцкая Н. Ф. Жывапіс барока Беларусі. — Беларуская энцыклапедыя імя Петруся Броўкі, 2003. — С. 98-99. — 304 с. — 3 000 экз. — ISBN 985-11-0253-9.