Аляксандра Сямёнаўна Слуцкая

Аляксандра Сямёнаўна з Алелькавічаў (каля 1503 — пасля 1556) — вялікалітоўская арыстакратка, жонка князя Канстанціна Астрожскага^[4][5], маці князя Канстанціна-Васіля Астрожскага.

Аляксандра Сямёнаўна Слуцкая
Нараджэнне	каля 1503
Смерць	не раней за 1556
Род	Алелькавічы[1]
Бацька	Сямён Міхайлавіч Алелькавіч[d]
Маці	Анастасія Іванаўна[1]
Муж	Канстанцін Іванавіч Астрожскі[2]
Дзеці	Канстанцін Васіль Астрожскі[3] і Соф’я з Астрожскіх[d][3]

Біяграфія

Дачка слуцкага князя Сямёна Міхайлавіча Алелькавіча  (руск.) і мсціслаўскай княжны Анастасіі Іванаўны.

Пасля смерці Таццяны Гальшанскай (1480 — 12 ліпеня 1522) пасрэдніцтвам кіеўскага мітрапаліта Іосіфа і земскага скарбніка Богуша Багацівінавіча  (укр.) князь Астрожскі заключыў дамову са княгіняй слуцкай Анастасіяй пра шлюб з яе дачкой Аляксандрай^[5].

26 ліпеня 1522 года перад выездам у Мінск на гаспадарскую службу Канстанцін напісаў у Вільню ліст, якім абавязаўся выдаць будучай жонцы вена, не запісваць, прымушаць і не ахвяраваць свае родавыя, выслужаныя і набытыя маёнткі, каб гэтае вена было на поўную траціну маёмасці, а дзяцей з ёю любіць так сама, як Іллю, народжанага першай жонкай; пасля смерці гетмана ўсе яго маёмасці, незалежна ад часу і характару іх набыцця, Ілля і яго сыны, якія з’явіліся ў шлюбе са Слуцкай князёўнай, павінны былі быць падзелены на роўныя часткі; асобна нікому з іх ён нічога запісваць не будзе^[6]. Імаверна, шлюб адбыўся на наступны год^[7].

Ужо ў 1528 годзе Аляксандра выступае ў крыніцах як жонка Канстанціна Астрожскага і маці двух дзяцей.

28 снежня 1528 года яна атрымала пацвярджэнне запісу мужа, які ўзяў за ёй 1000 чырвоных пасагу і запісаў ёй вена 6000 коп грошай на Тураве, Сатыеве і іншых маёнтках^[7][8].

У 1530 годзе Канстанцін Астрожскі памёр і Аляксандра засталася ўдовай.

У 1531 годзе атрымала прывілей на гандаль у Тарасаве Мінскага павета^[8][9].

У 1556 годзе атрымала прывілей на пабудову горада ў сваім мястэчку Сляды^[7][8]. Гэта апошняя згадка ў крыніцах пра яе.

Дзеці

• сын Канстанцін-Васіль (1526—1608) — ваенны, палітычны і культурны дзеяч, заснавальнік Астрожскай академіі, князь астрожскі  (укр.) (1539—1608), староста ўладзімірскі, маршалак Валынскай зямлі (1550—1608), ваявода кіеўскі (1559—1608).
• дачка Соф’я-Маўра (да 1531 — пасля 1561) — астрожская князёўна.

Зноскі

1. Kniaziowie litewsko-ruscy od końca czternastego wieku / пад рэд. J. Wolff — Warszawa: 1895. — С. 331.

   <a href='https://wikidata.org/wiki/Track:Q125352562'></a>
2. Kniaziowie litewsko-ruscy od końca czternastego wieku / пад рэд. J. Wolff — Warszawa: 1895. — С. 331, 350–351.

   <a href='https://wikidata.org/wiki/Track:Q125352562'></a>
3. Kniaziowie litewsko-ruscy od końca czternastego wieku / пад рэд. J. Wolff — Warszawa: 1895. — С. 351.

   <a href='https://wikidata.org/wiki/Track:Q125352562'></a>
4. Пшезд. II, 45-6
5. Малин. II, 425-8
6. Собчук В. Степанська волость та її власники (до кінця 60-х років ХVІ ст.) / Наукові записки Національного університету «Острозька академія». Історичні науки. — 2011. — Вип. 18. — С. 14-41.
7. J. Wolff, Kniaziowie litewsko-ruscy od końca XIV wieku, Warszawa 1895, s. 331.
8. Власьев Г. А.  (руск.) Потомство Рюрика. Материалы для составления родословий. С. 28-29
9. Арх. Санг. IV, 113