Аляксандр Іванавіч Пішч

Аляксандр Іванавіч Пішч (нар. 22 сакавіка 1984, г. Ляхавічы) — беларускі заатэхнік і дэпутат.

Аляксандр Іванавіч Пішч
Нараджэнне	22 сакавіка 1984(1984-03-22) (41 год) Ляхавічы, Ляхавіцкі раён, Брэсцкая вобласць, Беларуская ССР, СССР

У Вікіпедыі ёсць артыкулы пра іншых людзей з прозвішчам Пішч.

Біяграфія

Нарадзіўся 22 сакавіка 1984 года ў горадзе Ляхавічы Брэсцкай вобласці^[1].

Скончыў Віцебскую дзяржаўную акадэмію ветэрынарнай медыцыны, Акадэмію кіравання пры Прэзідэнце Рэспублікі Беларусь^[1].

Працоўную дзейнасць пачаў галоўным заатэхнікам ААТ «Руднікі» Пружанскага раёна; працаваў галоўным заатэхнікам раёна, начальнікам сектара жывёлагадоўлі, начальнікам аддзела арганізацыі вытворчасці, намеснікам начальніка ўпраўлення па сельскай гаспадарцы і харчаванні ўпраўлення сельскай гаспадаркі і харчавання Пружанскага райвыканкама; дырэктарам ААТ «Радзіма» Пружанскага раёна; дырэктарам ААТ «Агра-Калядзічы»^[1]. Дырэктар ААТ «Жураўлінае» Пружанскага раёна Брэсцкай вобласці^[1].

Дэлегат VII Усебеларускага народнага сходу^[1].

Выбраны ў 2024 годзе членам Савета Рэспублікі Нацыянальнага сходу Беларусі 8-га склікання ад Брэсцкай вобласці (вылучаны ад Пружанскага і Кобрынскага раёнаў)^[1]. Член Пастаяннай камісіі Савета Рэспублікі па рэгіянальнай палітыцы і мясцовым самакіраванні^[1].

Член рэспубліканскага грамадскага аб’яднання «Белая Русь»^[1].

Узнагароды

Узнагароджаны ганаровай граматай Нацыянальнага сходу Рэспублікі Беларусь, граматамі Пружанскага райвыканкама, Брэсцкага аблвыканкама, юбілейным медалём «100 год органам дзяржаўнага кіравання сельскай гаспадаркай і харчаваннем Беларусі», нагрудным знакам адрознення «За заслугі ў сельскай гаспадарцы»^[1].