Аляксандр Аляксандравіч Касцючэнка

У Вікіпедыі ёсць артыкулы пра іншых людзей з прозвішчам Касцючэнка.

Аляксандр Аляксандравіч Касцючэнка (1958 — 26 жніўня 2019(2019-08-26), Мінск^[2]) — беларускі мастак-пастаноўшчык, сцэнограф, галоўны мастак Нацыянальнага акадэмічнага Вялікага тэатра оперы і балета Рэспублікі Беларусь.

Аляксандр Аляксандравіч Касцючэнка
Дата нараджэння	1958
Дата смерці	26 жніўня 2019(2019-08-26)
Месца смерці	Мінск, Беларусь
Грамадзянства	СССР
Род дзейнасці	мастак
Месца працы	Нацыянальны акадэмічны драматычны тэатр імя Максіма Горкага Нацыянальны акадэмічны Вялікі тэатр оперы і балета Рэспублікі Беларусь
Жанр	сцэнаграфія
Вучоба	Беларускі дзяржаўны тэатральна-мастацкі інстытут (1988) Акадэмія кіравання пры Прэзідэнце Рэспублікі Беларусь
Вядомыя працы	дэкарацыі да спектакляў «Аіда», «Набука», «Папялушка[ru]», «Сем прыгажунь», «Сівая легенда», «Здурнелы Журдэн»[1]
Уплыў	Яўген Рыгоравіч Чамадураў
Прэміі
Узнагароды

Біяграфія

З дзяцінства займаўся ў студыі выяўленчага мастацтва, потым у мастацкай школе. Скончыў у 1988 годзе Беларускі дзяржаўны тэатральна-мастацкі інстытут. У 1998—2000 — слухач Акадэміі кіравання пры Прэзідэнце Рэспублікі Беларусь (кваліфікацыя «Менеджар-эканаміст»). У 2001—2008 — у Нацыянальным акадэмічным драматычным тэатры імя М. Горкага (галоўны мастак), з 2009 года — галоўны мастак Нацыянальнага акадэмічнага Вялікага тэатра оперы і балета.

Пастаянны ўдзельнік і прызёр усесаюзных і рэспубліканскіх выстаў, член Беларускага саюза мастакоў (2000).

Творчасць

У Вялікім тэатры оперы і балета стварыў сцэнаграфію каля 15 — ці оперных і балетных спектакляў. Сярод іх:

Балеты

• «Колазварот» А. Залятнёва
• «Папялушка^[ru]» С. Пракоф’ева
• «Трыстан і Ізольда^[ru]» Р. Вагнера
• «Зала чакання» А. Хадоскі
• «Метамарфозы» І. С. Баха
• «Анастасія» В. Кузняцова

Оперы

• «Царская нявеста^[ru]» М. Рымскага-Корсакава
• «Набука» Дж. Вердзі
• «Макбет» Дж. Вердзі
• «Тоска^[ru]» Дж. Пучыні
• «Сельскі гонар^[ru]» П. Масканьі
• «Фаўст» А. Г. Радзівіла
• «Севільскі цырульнік» Дж. Расіні
• «Сівая легенда» Дм. Смольскага
• «Віні-Пух» В. Пятровай
• «Сем прыгажунь» К. Караева.

У 2011 годзе ажыццявіў рэканструкцыю сцэнаграфіі выдатнага беларускага мастака Яўгена Чамадурава ў новай пастаноўцы оперы «Аіда».

Апошняй працай мастака стаў балет па матывах рамана Льва Талстога — «Ганна Карэніна» (прэм’ера ў лістападзе 2019).

Таксама афармляў спектаклі для Нацыянальнага акадэмічнага тэатра імя Янкі Купалы, Нацыянальнага акадэмічнага драматычнага тэатра імя Якуба Коласа, Беларускага дзяржаўнага маладзёжнага тэатра. Супрацоўнічаў з многімі вядомымі рэжысёрамі, у прыватнасці з Мадэстам Абрамавым, Віталінам Баркоўскім, Аляксандрам Гарцуевым, Валянцінай Ераньковай, Вітасам Грыгалюнасам, Міхаілам Краснабаевым, Барысам Луцэнкам і інш.

Усяго ў Беларусі і блізкім замежжы аформіў больш за 50 спектакляў.