Аляксандр Аляксандравіч Церахаў

Аляксáндр Аляксáндравіч Цéрахаў (1978, Гомель, БССР) — беларускі палітык, Міністр жыллёва-камунальнай гаспадаркі Беларусі (2014—2020).

Аляксандр Церахаў
Міністр жыллёва-камунальнай гаспадаркі Беларусі 17 лістапада 2014 — 3 чэрвеня 2020
Прэзідэнт	Аляксандр Лукашэнка
Кіраўнік урада	Міхаіл Мясніковіч Андрэй Кабякоў Сяргей Румас
Папярэднік	Андрэй Шорац
Пераемнік	Андрэй Хмель
Нараджэнне	1978 Гомель, Гомельская вобласць, Беларуская ССР, СССР
Адукацыя	Гомельскі дарожна-будаўнічы тэхнікум імя Ленінскага камсамола Беларусі (1997) БелДУТ (2004) Акадэмія кіравання пры Прэзідэнце Рэспублікі Беларусь (2011)

У Вікіпедыі ёсць артыкулы пра іншых людзей з прозвішчам Церахаў.

Біяграфія

Нарадзіўся ў 1978 годзе ў Гомелі. У 1997 годзе скончыў Гомельскі дарожна-будаўнічы тэхнікум, у 2004 годзе — Беларускі дзяржаўны ўніверсітэт транспарту, у 2011 годзе — Акадэмію кіравання пры Прэзідэнце Рэспублікі Беларусь.

У 1999—2006 гадах працаваў на розных пасадах у ААТ «Будаўніча-мантажны трэст — 27». З 2006 па 2011 год працаваў на пасадах намесніка начальніка, першага намесніка і начальніка ўпраўлення жыллёва-камунальнай гаспадаркі Гомельскага аблвыканкама^[1].

У 2011-2014 гадах — першы намеснік Міністра жыллёва-камунальнай гаспадаркі^[1].

Назначаны Міністрам жыллёва-камунальнай гаспадаркі Рэспублікі Беларусь 17 лістапада 2014 года^[2].

16 кастрычніка 2015 года пастановай Савета Міністраў № 870 у складзе Урада склаў свае паўнамоцтвы перад нававыбраным Прэзідэнтам Рэспублікі Беларусь.^[3], а 17 снежня 2015 года ўказам Прэзідэнта № 500 зноў зацверджаны на пасадзе міністра^[4]

3 чэрвеня 2020 года зняты з пасады Міністра жыллёва-камунальнай гаспадаркі Рэспублікі Беларусь.

Зноскі

1. Церахаў Аляксандр Аляксандравіч (нявызн.). БЕЛТА.(недаступная спасылка)
2. Аляксандр Церахаў назначаны міністрам жыллёва-камунальнай гаспадаркі Рэспублікі Беларусь (нявызн.). Афіцыйны сайт прэзідэнта Рэспублікі Беларусь (17 лістапада 2014). Праверана 17 лістапада 2014.
3. Пастанова Савета Міністраў Рэспублікі Беларусь № 870 «Аб складанні паўнамоцтваў Урада Рэспублікі Беларусь» (руск.)(недаступная спасылка) (16 кастрычніка 2015). Архівавана з першакрыніцы 4 сакавіка 2016. Праверана 17 кастрычніка 2015.
4. Назначаны члены ўрада Рэспублікі Беларусь (нявызн.). http://president.gov.by+(17 снежня 2015).