Аляксандр Геліяс

Аляксандр Геліяс (грэч. ο Αλέξανδρος Ήλιος, 25 снежня 40 год да н.э. — паміж 29 і 25 годам да н.э.) — сын трыумвіра Марка Антонія і егіпецкай царыцы Клеапатры VII.

Аляксандр Геліяс
Нараджэнне	25 снежня 40 да н.э.(-040-12-25) Александрыя
Смерць	не раней за 20 да н.э. Рым, Рымская рэспубліка
Род	Пталамеі
Бацька	Марк Антоній
Маці	Клеапатра
Медыяфайлы на Вікісховішчы

Біяграфія

У Аляксандра была сястра-блізня — Клеапатра Селена II. Верагодна ён нарадзіўся ў 40 да н.э.^[1]. У 37 да н.э. Марк Антоній прызнаў Аляксандра сваім законным сынам і ажаніўся з яго маці^[1]. У 34 да н.э., плануючы вайну з Арменіяй, Марк Антоній прытворна прапанаваў армянскаму цару Артавазду выдаць за Аляксандра сваю дачку, але пасля адмовы апошняга пачаткаў супраць яго вайну. Пасля перамогі над Арменіяй ён заручыў сына з дачкой мідыйскага цара Артавазда Іатапай^[2]. Па вяртанні ў Александрыю Антоній абвясціў Аляксандра царом Арменіі, Мідыі і Парфіі і вывеў яго да народа ў мідыйскім нацыянальным строі^[3]. Пасля паражэння і гібелі Антонія ў 30 да н.э. Аляксандр быў узяты ў палон Цэзарам Актавіянам і ў 29 да н.э. яго правялі падчас трыумфу Актавіяна ў Рыме. Затым Аляксандр выхоўваўся ў доме Актавіі, сястры Актавіяна і жонкі Антонія. Ён верагодна, памёр у дзяцінстве^[4].

Зноскі

1. Плутарх. Параўнальныя жыццяпісы. Антоній. 36.
2. Плутарх. Параўнальныя жыццяпісы. Антоній. 53.
3. Плутарх. Параўнальныя жыццяпісы. Антоній. 54.
4. Плутарх. Параўнальныя жыццяпісы. Антоній. 87.