Аляксандр Мікалаевіч Кляменцьеў

Аляксандр Мікалаевіч Кляменцьеў (1852, Арлоўская губерня — 1920) — беларускі^[1] і рускі архітэктар, які працаваў у Віцебску і Саратаве.

Аляксандр Мікалаевіч Кляменцьеў
Дата нараджэння	1852
Месца нараджэння	Арлоўская губерня, Расійская імперыя
Дата смерці	1920
Альма-матар	Другая Санкт-Пецярбургская гімназія[d] (1869) Пецярбургскае будаўнічае вучылішча (1874)
Працы і дасягненні
Працаваў у гарадах	Віцебск, Саратаў
Найважнейшыя пабудовы	Будынак Віцебскага духоўнага вучылішча
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Кляменцьеў.

Біяграфія

З дваран. Першапачатковую адукацыю атрымаў у 2-й Санкт-Пецярбургскай гімназіі  (руск.), якую скончыў у 1869 годзе^[2].

У 1874 годзе скончыў Пецярбургскае будаўнічае вучылішча са званнем архітэктарскага памочніка і правам на чын Х класа. Быў прызначаны малодшым інжынерам Будаўнічага аддзялення Віцебскага губернскага праўлення. У 1876 годзе прызначаны там жа малодшым архітэктарам, і з 1877 — губернскі архітэктар  (руск.)^[2]. Адначасова (1878—1890) — полацкі епархіяльны архітэктар^[1] пры Віцебскай духоўнай кансісторыі^[2]. З 1887 быў членам Віцебскай Царкоўна-будаўнічай прысутнасці і архітэктарам мясцовай жаночай гімназіі^[2].

З 1895 А. М. Кляменцьеў — губернскі архітэктар Саратаўскай будаўнічай і дарожнай камісіі, з 1897 г. — саратаўскі гарадскі архітэктар^[3].

У Саратаве жыў да 1916 года.

Творчасць

Праекты ў Віцебску

Віцебскае мужчынскае духоўнае вучылішча на паштоўцы пачатку 1910-х гадоў

• Будынак Віцебскага духоўнага вучылішча (1890—1892)
• Флігель наглядчыка пры губернатарскім палацы (1872)
• Пашырэнне будынка лазарэта для жаночага духоўнага вучылішча
• Рэканструкцыя пасля пажару будынка гарадскога тэатра (1888-90)
• Будынкі гарадскога клуба і губернскага праўлення ў Віцебску
• Будынак турмы ў вёсцы Струнне Полацкага раёна

Праекты ў Саратаве

• Аўтар праекта каменнай Багародзіца-Уладзімірскай царквы ў горадзе Саратаве (1909)^[4]
• Будынак Марыінскай жаночай гімназіі (цяпер Саратаўскі тэхнікум інфармацыйных тэхналогій і кіравання Саратаўскага дзяржаўнага тэхнічнага ўніверсітэта  (руск.), вул. Савецкая  (руск.), 17)^[3]
• Будынак другой мужчынскай гімназіі (цяпер школа № 67, вул. Пугачоўская  (руск.), 123)^[3]
• будынак канцылярыі губернатара (сумесна з архітэктарам Д. Ф. Стэрлігавым; вул. Вольская  (руск.), 22) — аб’ект культурнай спадчыны РФ федэральнага значэння^[3]
• і іншыя

Зноскі

1. Беларуская энцыклапедыя: У 18 т. Т.8: Канто — Кулі / Рэдкал.: Г. П. Пашкоў і інш. — Мн.: БелЭн, 1999. — Т. 8. — 576 с. — 10 000 экз. — ISBN 985-11-0144-3 (т. 8)
2. Клементьев Александр Николаевич(1852—1920) Архівавана 6 сакавіка 2016. (руск.)
3. Родился А. Н. Клементьев (руск.)
4. Богородице-Владимирская церковь (Маминская) Архівавана 6 сакавіка 2016. (руск.)