Аляксандр Юр’евіч Перапечка

Аляксандр Перапечка (нар. 7 красавіка 1989, Мінск) — беларускі футбаліст, паўабаронца.

Аляксандр Перапечка
Агульная інфармацыя
Поўнае імя	Аляксандр Юр’евіч Перапечка
Нарадзіўся	7 красавіка 1989(1989-04-07)[1] (36 гадоў) Мінск, Беларуская ССР, СССР
Грамадзянства	Беларусь
Рост	176 см
Вага	75 кг
Пазіцыя	паўабаронца
Маладзёжныя клубы
Арсенал (Мінск)
Клубная кар’ера[* 1]
2007 Маладзечна 13 (3) 2008—2010 Сконта (Рыга) 19 (2) 2008—2009 →  Алімп (Рыга) 33 (3) 2011 Дынама (Мінск) 21 (2) 2012 Белшына (Бабруйск) 14 (0) 2013—2014 Дынама-Брэст 49 (9) 2015 Слуцк 7 (0) 2015 Дынама-Брэст 12 (1) 2016 Слуцк 19 (1) 2017 Іслач (Мінскі раён) 7 (0) 2018 Тарпеда (Мінск) 2 (0)
Нацыянальная зборная[* 2]
2011 Беларусь (да 21) 5 (0) 2011—2012 Беларусь (алімпійская) 6 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 11 лютага 2019. Колькасць гульняў і галоў за нацыянальную зборную ў афіцыйных матчах, адкарэктавана станам на 6 ліпеня 2017
Медыяфайлы на Вікісховішчы

Кар’ера

Клубная

Пачаў кар’еру ў Мінску, а з 2008 па 2010 год выступаў у Латвіі. У сезоне 2011 выступаў за мінскае «Дынама», а ў красавіку 2012 года перайшоў у бабруйскую «Белшыну».

У сакавіку 2013 года стаў іграком брэсцкага «Дынама». Спачатку выступаў у аснове, потым стаў толькі выхадзіць на замену, а ў чэрвені галоўны трэнер Уладзімір Курнеў перавёў Перапечку ў дубль. У верасні, пасля зыходу Курнева з клуба, вярнуўся ў асноўны склад і хутка замацаваўся на пазіцыі правага паўабаронцы.

У сезоне 2014 стаў трывалым іграком асновы брэсцкага клуба. Звычайна выступаў на пазіцыі левага паўабаронцы. У студзені 2015 года пакінуў «Дынама-Брэст»^[2].

Пасля зыходу з «Дынама» стаў трэніравацца са «Слуцкам»^[3] і неўзабаве падпісаў кантракт з клубам^[4]. У чэрвені 2015 года, аднак, перастаў з’яўляцца на полі, і 24 чэрвеня кантракт са «Слуцкам» быў разарваны^[5]. Неўзабаве вярнуўся ў стан брэсцкага «Дынама», і ў жніўні зноў стаў іграком брэстчан^[6]. У другой палове сезона быў трывалым іграком асновы дынанамаўцаў, але па заканчэнні сезона пакінуў клуб^[7].

Са студзеня 2016 года знаходзіўся на праглядзе ў «Слуцку», і ў лютым зноў стаў іграком «цукровых»^[8]. У снежні 2016 года пакінуў слуцкі клуб^[9]. У лютым 2017 года знаходзіўся на праглядзе ў малдаўскім «Мілсамі»^[10], пазней падтрымліваў форму з «Гарадзеяй»^[11]. У красавіку 2017 года падпісаў кантракт з «Іслаччу»^[12]. У складзе «Іслачы» часцей выхадзіў на замену, правёў за каманду 7 матчаў. У ліпені 2017 года па заканчэнні кантракта пакінуў клуб^[13].

У верасні 2018 года, правёўшы больш за год без каманды, папоўніў склад мінскага «Тарпеда»^[14]. Згуляў за тарпедаўцаў у двух матчах і па заканчэнні сезона 2018 пакінуў каманду.

У чэрвені 2019 года атрымаў ліцэнзію футбольнага агента^[15].

Міжнародная

Трапіў у моладзевую зборную Беларусі перад самым чэмпіянатам Еўропы 2011 у Даніі, замяніўшы Уладзіміра Юрчанку, які атрымаў траўму. Адразу стаў іграком асноўнага складу гэтай зборнай і выйграў з ёю бронзавы медаль. Гуляў за алімпійскую зборную Беларусі, але не трапіў на Алімпійскія гульні 2012.

Дасягненні

• 01 Чэмпіён Латвіі: 2010
• 03 Бронзавы прызёр моладзевага чэмпіянату Еўропы: 2011