Аляксандр Рыгоравіч Арлоў (віцэ-адмірал)

Аляксандр Рыгоравіч Арлоў (29 верасня (11 кастрычніка) 1900, Орша — 28 красавіка 1945) — савецкі военачальнік, інжынер-віцэ-адмірал.

Аляксандр Рыгоравіч Арлоў
Дата нараджэння	11 кастрычніка 1900(1900-10-11)
Месца нараджэння	Орша, Аршанскі павет, Магілёўская губерня, Расійская імперыя
Дата смерці	28 красавіка 1945(1945-04-28) (44 гады)
Месца смерці	Масква, РСФСР, СССР
Месца пахавання	Новадзявочыя могілкі
Альма-матар	Вышэйшае ваенна-марское інжынернае вучылішча імя Ф. Э. Дзяржынскага[d]
Грамадзянства	СССР
Прыналежнасць	СССР
Род войскаў	Ваенна-марскі флот СССР
Званне	Віцэ-адмірал ВМФ СССР
Бітвы/войны	Вялікая Айчынная вайна
Узнагароды і званні

У Вікіпедыі ёсць артыкулы пра іншых людзей з прозвішчам Арлоў.

Біяграфія

Нарадзіўся ў Оршы ў 1900 годзе ў яўрэйскай сям’і.

Службу А. Арлоў пачынаў матросам Волжскай ваеннай флатыліі. Скончыў вучылішча і Ваенна-марскую акадэмію, служыў на караблях і ў штабах флатоў.

У 1937—1945 гадах быў начальнікам Галоўнага тэхнічнага ўпраўлення ВМФ. У верасні 1940 года быў старшынёй камісіі па прыёмцы заводаў у горадзе Ліепая. У тым жа годзе ён атрымаў званне контр-адмірала. У 1944 годзе яму нададзена званне віцэ-адмірала.

Загінуў у авіяцыйнай катастрофе ў красавіку 1945 года, не дажыў да перамогі ў Вялікай Айчыннай вайне некалькі тыдняў^[1].

Узнагароды

• Ордэн Леніна
• Ордэн Чырвонай Зоркі
• Ордэн Нахімава 1 ступені
• Ордэн Чырвонага Сцяга

Зноскі

1. Арлоў Аляксандар Рыгоравіч (нявызн.)(недаступная спасылка). Архівавана з першакрыніцы 12 студзеня 2021. Праверана 23 сакавіка 2020.