Аляксандр Уладзіміравіч Азярэц

У Вікіпедыі ёсць артыкулы пра іншых людзей з прозвішчам Азярэц.

Алякса́ндр Уладзі́міравіч Азярэ́ц (9 мая 1953, в. Гарбацэвічы, Бабруйскі раён, Магілёўская вобласць) — беларускі дзяржаўны дзеяч, у 2006-13 міністр энергетыкі Рэспублікі Беларусь.

Аляксандр Азярэц
Міністр энергетыкі Рэспублікі Беларусь 5 мая 2006 года — 18 красавіка 2013 года
Папярэднік	Аляксандр Агееў
Пераемнік	Уладзімір Патупчык
Нараджэнне	9 мая 1953(1953-05-09) (72 гады) Гарбацэвічы, Гарбацэвіцкі сельсавет, Бабруйскі раён, Бабруйская вобласць, Беларуская ССР, СССР
Адукацыя	БПІ

Біяграфія

Нарадзіўся 9 мая 1953 года ў в. Гарбацэвічы Бабруйскага раёна Магілёўскай вобласці Беларускай ССР.

У 1976 годзе скончыў Беларускі політэхнічны інстытут па спецыяльнасці «Цеплавыя электрычныя станцыі», у 1993 годзе — Акадэмію кіравання пры Савеце Міністраў Рэспублікі Беларусь па спецыяльнасці «Эканоміка і кіраванне вытворчасцю»^[1].

1976—1987 — інжынер ВТА, інжынер групы рэжымаў, начальнік змены катлатурбіннага цэха, старшы інжынер — кіраўнік лабараторнага цэха Віцебскай ЦЭЦ «Белгалоўэнерга».

1987—1996 — начальнік службы цеплатэхнічнага абсталявання РЭУ «Віцебскэнерга», намеснік галоўнага інжынера па цеплатэхнічнай частцы ВА «Віцебскэнерга».

1996—2000 — намеснік генеральнага дырэктара па агульных пытаннях Віцебскага РУП «Віцебскэнерга».

У 2000 годзе прызначаны генеральным дырэктарам Віцебскага рэспубліканскага ўнітарнага прадпрыемства электраэнергетыкі «Віцебскэнерга».

Намеснік старшыні Савету дырэктараў ААТ «Белгазпрамбанк».

З мая 2006 да красавіка 2013 года — міністр энергетыкі Беларусі. Вызвалены ад пасады з фармулёўкай «за правалы ў кіраванні энергетычнай галіной»^[2].

Зноскі

1. Біяграфія Міністра энергетыкі Рэспублікі Беларусь Азярца А.У. (нявызн.). Аб міністэрстве. Міністэрства энергетыкі Рэспублікі Беларусь (10 верасня 2010).(недаступная спасылка)
2. news.belta.by