Аляксандр Яфімавіч Сямак

У Вікіпедыі ёсць артыкулы пра іншых людзей з прозвішчам Сямак.

Аляксандр Яфімавіч Сяма́к^[3] (нар. 21 кастрычніка 1938) — беларускі вучоны ў галіне неўралогіі. Доктар медыцынскіх навук (1986), прафесар (1995)^[4].

Аляксандр Яфімавіч Сямак
Дата нараджэння	21 кастрычніка 1938(1938-10-21)[1] (86 гадоў)
Месца нараджэння	Пэтрыўка, Petrivska silska rada[d], Сноўскі раён, Чарнігаўская вобласць, УССР, СССР
Грамадзянства	СССР  Беларусь
Род дзейнасці	урач, навуковец, выкладчык універсітэта, ваенны ўрач
Навуковая сфера	неўралогія
Месца працы	БДМУ 9-я гарадская клінічная бальніца[d] ВАК РБ
Навуковая ступень	доктар медыцынскіх навук[2][1] (1986)
Навуковае званне	прафесар (1995)[2]
Альма-матар	Мінскі медыцынскі інстытут (1961)

Біяграфія

Нарадзіўся ў вёсцы Пэтрыўка Шчорскага^[3] (сучаснага Карукіўскага) раёна Чарнігаўскай вобласці Украіны. Скончыў Мінскі медыцынскі інстытут ў 1961 годзе. На працягу 5 гадоў служыў у войску ваенным урачом. З’яўляўся аспірантам кафедры вочнай формы навучання з 1966 па 1969 год. Пасля заканчэння аспірантуры і абароны кандыдацкай дысертацыі (1969) працаваў старшым навуковым супрацоўнікам лабараторыі кібернетычных метадаў дыягностыкі і біякіравання Мінскага дзяржаўнага медыцынскага інстытута (1981—1989)^[5]. У 1986 годзе абараніў доктарскую дысертацыю на тэму «Прогнозирование возникновения мозговых инсультов»^[6]. У 1989—1993 гадах дацэнт кафедры нервовых і нейрахірургічных хвароб, з 1995 года — прафесар^[6].

Навуковая і грамадская дзейнасць

Аўтар больш за 100 апублікаваных прац, 2 манаграфій, 2 аўтарскіх пасведчанняў на вынаходствы, 6 рацыяналізатарскіх прапаноў, 3 метадычных рэкамендацый, 1 патэнта^[6]. Галіна навуковых інтарэсаў: метады вымярэння ўнутрычарапнога ціску, вострая ўнутрачарапная гіпертэнзія, прагназаванне ўзнікнення мазгавых інсультаў і іх прафілактыка^[4]. Падрыхтаваў трох кандыдатаў навук^[6].

З 1990 па 2000 год быў членам экспертнай камісіі Вышэйшай атэстацыйнай камісіі^[6]. Прымаў удзел у арганізацыі Мінскага навуковага таварыства неўрапатолагаў і быў яго сакратаром. Выконвае вялікі аб’ём лячэбна-дыягнастычнай працы, у якасці кансультанта розных неўралагічных аддзяленняў УАЗ «9-я гарадская клінічная бальніца г. Мінска» (Мінскі навукова-практычны цэнтр хірургіі, транспланталогіі і гематалогіі), а таксама па лініі Рэспубліканскага цэнтра экстранай медыцынскай дапамогі^[6].

Сярод апублікаванага:

• Дурэтензиометрия как метод измерения внутричерепного давления (экспериментальное исследование): атореферат диссертации на соискание ученой степени кандидата медицинских наук, специальность 762 «Нервные болезни» — Мн.: Минский государственный медицинский институт, 1971;
• Острая внутричерепная гипертензия / В. В. Евстигнеев, А. Е. Семак. — Минск: Беларусь, 1974. — 208 с.;
• Прогнозирование возникновения мозговых инсультов с помощью микро-ЭОМ и таблиц / А. Е Семак. Ю. В. Плотников, В. И. Адамович, Д. О. Хомасуридзе — 1986;
• Мозговой инсульт. Прогнозирование и профилактика / Мисюк Н. С., Семак А. Е., Гришков Е. Г. — М.: Медицина, 1980. — 205 с.: граф.; 20 см;
• Схема написания истории болезни с методикой обследования неврологического больного: учеб.-метод. пособие / А. Е. Семак, А. С. Федулов, В. Г. Логинов. — Минск: БГМУ, 2011. — 27 с. — ISBN 978-985-528-391-2.