Аляксей Аляксандравіч Драчоў

У Вікіпедыі ёсць артыкулы пра іншых людзей з прозвішчам Драчоў.

Аляксей Драчоў (нар. 22 жніўня 1994) — беларускі футбаліст, абаронца.

Аляксей Драчоў
Поўнае імя	Аляксей Аляксандравіч Драчоў
Нарадзіўся	22 жніўня 1994(1994-08-22)[1] (31 год) Мінск, Беларусь
Грамадзянства	Беларусь
Пазіцыя	абаронца
Клубная кар’ера[* 1]
2013 Маладзечна-2013 8 (0) 2016—2018 Крумкачы (Мінск) 12 (0) 2019 Вікторыя (Мар’іна Горка) 13 (0) 2021 Смалявічы 10 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў.

Клубная кар’ера

Пачаў займацца футболам у 12-гадовым узросце, на юнацкім узроўні гуляў за жодзінскае «Тарпеда-БелАЗ», мінскі «Партызан»^[2]. У 2013 годзе гуляў за «Маладзечна-2013» у Другой лізе. З 2014 года выступаў толькі на аматарскім узроўні.

У 2016 годзе далучыўся да клуба «Крумкачы», дзе гуляў за рэзервовы склад, быў капітанам дубля. У ліпені 2017 года ў сувязі з фінансавымі праблемамі клуб пакінула значная колькасць ігракоў, і абаронца быў далучаны да асноўнага складу. Дэбютаваў у Вышэйшай лізе 29 ліпеня 2017 года ў матчы супраць «Віцебска» (2:2), калі адгуляў усе 90 хвілін. У далейшым згуляў яшчэ ў шасці матчах Вышэйшай лігі. У сезоне 2018, калі «Крумкачы» не былі дапушчаны да ўдзелу ў Вышэйшай лізе, застаўся ў складзе каманды ў Другой лізе.

У сезоне 2019 выступаў за «Вікторыю» з Мар’інай Горкі^[3].

У 2021 годзе выступаў у Другой лізе за «Смалявічы».

Статыстыка выступленняў

Сезон	Дывізіён	Клуб	Краіна	Матчы	Галы
2013	Д3	Маладзечна-2013		8	0
2016	дубль	Крумкачы		14	0
2017	Д1	Крумкачы		7	0
2018	Д3	Крумкачы		5	0
2019	Д3	Вікторыя		13	0
2021	Д3	Смалявічы		10	0