Аляксей Аляксеевіч Хартонік

Аляксей Аляксеевіч Хартонік (1926 —) — беларускі ўрач-хірург. Кандыдат медыцынскіх навук (Смаленск, 1965). Дацэнт (1973). Заслужаны ўрач БССР (1981)^[1].

Аляксей Аляксеевіч Хартонік
Дата нараджэння	14 мая 1926(1926-05-14) (99 гадоў)
Месца нараджэння	Мацылёўшчына, гміна Сноў[d], Нясвіжскі павет, Навагрудскае ваяводства, Польская Рэспубліка
Род дзейнасці	урач, хірург, выкладчык універсітэта, медыцынскі адміністратар
Месца працы	Слонімскі дзяржаўны медыцынскі каледж БДМУ Слонімская ЦРБ[d]
Навуковая ступень	кандыдат медыцынскіх навук (1965)
Навуковае званне	дацэнт
Альма-матар	Мінскі медыцынскі інстытут (1951)
Узнагароды

У Вікіпедыі ёсць артыкулы пра іншых людзей з прозвішчам Хартонік.

Біяграфія

Скончыў медыцынскае вучылішча, 1945; фельчар станцыі хуткай медыцынскай дапамогі ў Баранавічах, 1945—1946. Скончыў Мінскі медыцынскі інстытут, 1951. Загадчык Ляскавіцкага сельскага ўрачэбнага участка, 1951—1952; ардынатар хірургічнага аддзялення Мазырскай гарадской бальніцы, 1952—1976^[2].

У 1957—1965 гадах загадчык хірургічнага аддзялення Слонімскай цэнтральнай раённай бальніцы (Гродзенская вобласць), адначасова выкладчык хірургіі і анатоміі медыцынскага вучылішча^[1].

Асістэнт 1-й кафедры шпітальнай хірургіі Мінскага медыцынскага інстытута, 1965—1973, адначасова намеснік дэкана лячэбнага факультэта, 1970—1971, дэкан стаматалагічнага факультэта, 1971—1987^[2].

Дацэнт 1-й кафедры шпітальнай хірургіі Мінскага медыцынскага інстытута (1973—1994), выконваў абавязкі загадчыка 3-й кафедры хірургічных хвароб (1989)^[1].

Дыспетчар навучальнага аддзела МДМІ з 1995 года^[2].

Навуковая дзейнасць

Навуковыя інтарэсы: хірургія язвавай хваробы страўніка; кансерватыўнае і аператыўнае лячэнне вострага панкрэатыту; «тлушчавая дыета  (руск.)»; дыягностыка дэструктыўнага халецыстыту; лапараскапія ў ранняй дыягностыцы вострых аментытаў; рэзекцыя сальніка малымі порцыямі^[1].

Аўтар каля 50 навуковых работ.

Бібліяграфія

• Профилактика и лечение сельскохозяйственных травм у колхозников Слонимского района : автореферат диссертации … кандидата медицинских наук / А. А. Хартоник. — Смоленск, 1965.

Грамадская дзейнасць

Дэпутат Слонімскага гарадскога савета (1961), Гродзенскага абласнога савета (1963)^[2].

Узнагароды

Узнагароджаны медалямі, значкамі, у т. л. «Выдатнік аховы здароўя», 1973. Прысвоена ганаровае званне заслужанага ўрача БССР, 1981^[2].

Зноскі

1. Хартоник, Алексей Алексеевич (кандидат медицинских наук, врач-хирург; род. 1926) (руск.)
2. Хартоник Алексей Алексеевич (14.05.1926-) Архівавана 14 верасня 2022. (руск.)