Аляксей Канстанцінавіч Клумаў

У Вікіпедыі ёсць артыкулы пра іншых людзей з прозвішчам Клумаў.

Аляксей Канстанцінавіч Клумаў (21 жніўня 1907(1907-08-21), Масква — 5 верасня 1944(1944-09-05), Масква) — беларускі кампазітар, піяніст, педагог. Заслужаны артыст БССР (1940).

Аляксей Канстанцінавіч Клумаў
Дата нараджэння	21 жніўня 1907(1907-08-21)
Месца нараджэння	Масква, Маскоўская губерня, Расійская імперыя
Дата смерці	5 верасня 1944(1944-09-05) (37 гадоў)
Месца смерці	Масква, РСФСР, СССР
Альма-матар	Маскоўская дзяржаўная кансерваторыя імя П. І. Чайкоўскага
Месца працы	Беларуская дзяржаўная акадэмія музыкі
Музычная дзейнасць
Прафесіі	музыкант, кампазітар, музычны педагог

Біяграфія

Скончыў Маскоўскую кансерваторыю (1934, клас Г. Нейгаўза), кампазіцыі вучыўся ў М. Гнесіна. У 1937—41 гадах выкладаў у Беларускай кансерваторыі. Дыпламант Усесаюзнага конкурсу піяністаў (1938). Вёў канцэртна-выканальніцкую дзейнасць, аддаваў перавагу творчасці кампазітараў-рамантыкаў.

Аўтар аднаго з першых беларускіх фартэпіянных канцэртаў (1940), які значна паўплываў на развіццё гэтага жанру ў беларускай музыцы. З іншых твораў: музычная камедыя «Прыгоды Фрыца» (лібр. А. Астрэйкі і У. Няфёда, 1944), «Беларуская танцавальная сюіта» і Варыяцыі для фартэпіяна, капрычыо на тэму беларускай народнай песні «Чаму ж мне не пець» для фартэпіяна, апрацоўкі беларускіх народных песень для хору.