Аляксей Уладзіміравіч Шчабятун

Аляксей Шчабятун (нар. 2 чэрвеня 1997, Запарожжа, Украіна) — украінскі футбаліст, нападнік казахстанскага клуба «Кызыл-Жар» з Петрапаўлаўска.

Аляксей Шчабятун
Поўнае імя	Аляксей Уладзіміравіч Шчабятун
Нарадзіўся	2 чэрвеня 1997(1997-06-02)[1][2] (28 гадоў) Запарожжа, Запарожскі гарадскі савет[d], Запарожская вобласць, Украіна
Грамадзянства	Украіна
Рост	184 см
Вага	77 кг
Пазіцыя	нападнік
Інфармацыя пра клуб
Клуб	Кызыл-Жар
Нумар	9
Маладзёжныя клубы
2010—2012 Металург (Запарожжа) 2013—2014 Дынама (Кіеў)
Клубная кар’ера[* 1]
2014—2017 Дынама (Кіеў) 0 (0) 2017 →  Сталь (Кам’янскэ) 5 (0) 2018 Прамень (Мінск) 8 (0) 2018 Металург (Запарожжа) 9 (1) 2019 Авангард (Краматорск) 4 (0) 2019—2020 Металург (Запарожжа) 20 (3) 2020—2022 Абалонь (Кіеў) 46 (6) 2020 →  Абалонь-2 (Буча) 4 (0) 2022—2023 Шаўляй 55 (20) 2024— Кызыл-Жар (Петрапаўлаўск) 2 (0)
Нацыянальная зборная[* 2]
2014 Украіна (да 17) 9 (5) 2014—2016 Украіна (да 19) 23 (10) 2016—2017 Украіна (да 21) 5 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 13 сакавіка 2024. Колькасць гульняў і галоў за нацыянальную зборную ў афіцыйных матчах, адкарэктавана станам на 23 сакавіка 2018
Медыяфайлы на Вікісховішчы

Клубная кар’ера

Футболам пачаў займацца ў Запарожжы ў дзіцячай школе мясцовага «Металурга». Першы трэнер — Мікалай Мікалаевіч Сенавалаў^[3]. З другой паловы сезона 2012/13 знаходзіўся ў акадэміі кіеўскага «Дынама». У ДЮФЛ выступаў за «Металург» і кіеўскае «Дынама».

У пачатку 2013 года быў уключаны ў заяўку «Дынама». У чэмпіянаце юніёрскіх каманд (U-19) дэбютаваў 18 сакавіка 2014 года ў матчы з данецкім «Шахцёрам» (1:1). У чэмпіянаце моладзевых каманд (U-21) дэбютаваў 1 лістапада 2014 года ў матчы супраць днепрапятроўскага «Дняпра» (2:0).

У сезоне 2014/15 Шчабятун стаў найлепшым бамбардзірам як у дынамаўскай камандзе U-19 (8 галоў у 15 матчах), так і U-21 (10 галоў у 14 гульнях). Абодва калектывы фінішавалі ў сваіх першынствах другімі. У сезонах 2015/16 і 2016/17 з камандай U-21 станавіўся моладзевым чэмпіёнам Украіны.

У ліпені 2017 года на правах арэнды перайшоў у «Сталь» (Кам’янскэ)^[4]. Дэбютаваў на дарослым ўзроўні 16 ліпеня 2017 года ў матчы першага тура Прэм’ер-лігі супраць луганскай «Зары» (1:0), выйшаўшы ў стартавым складзе і на 63 хвіліне быў заменены на Гора Малакяна. У студзені 2018 года вярнуўся ў «Дынама»^[5].

У лютым 2018 года прыбыў на прагляд у беларускі клуб «Прамень» з Мінска і ў сакавіку падпісаў з ім кантракт^[6]. З-за траўм толькі ў чэрвені замацаваўся ў стартавым складзе мінчан. У ліпені 2018 года пакінуў «Прамень»^[7].

У жніўні 2018 года вярнуўся ў запарожскі «Металург»^[8], за які стаў выступаць у Другой лізе. У лютым 2019 года перабраўся ў першалігавы «Авангард» з Краматорска, а ў ліпені таго ж года зноў далучыўся да «Металурга», які выйшаў у Першую лігу.

У верасні 2020 года перайшоў у кіеўскую «Абалонь». Летам 2022 года перабраўся ў літоўскі «Шаўляй». У студзені 2024 года стаў іграком казахстанскага «Кызыл-Жара».

Міжнародная кар’ера

З 2014 года прыцягваўся да юнацкіх зборных Украіны, а з 2016 года пачаў гуляць за моладзевую зборную.