Аляксей Фёдаравіч Брагін

У Вікіпедыі ёсць артыкулы пра іншых людзей з прозвішчам Брагін.

Аляксей Фёдаравіч Бра́гін^[1] (руск.: Алексей Фёдорович Брагин; 27 сакавіка 1905, в. Бурцава, Багародзіцкі раён, Горкаўская вобласць — 9 кастрычніка 1941) — адзін з арганізатараў і кіраўнікоў камуністычнага падполля і партызанскага руху на тэрыторыі Мінскай і Палескай абласцей у гады Вялікай Айчыннай вайны^[2].

Аляксей Фёдаравіч Брагін
Дата нараджэння	27 сакавіка 1905(1905-03-27)
Месца нараджэння	Бурцава[d], Гарбатаўскі павет[d], Ніжагародская губерня, Расійская імперыя
Дата смерці	9 кастрычніка 1941(1941-10-09) (36 гадоў)
Грамадзянства	Расійская імперыя  СССР
Бітвы/войны	Вялікая Айчынная вайна

Біяграфія

Член КПСС з 1926 года. Скончыў Вышэйшую школу партарганізатараў пры ЦК ВКП(б) (1940). З ліпеня 1940 года намеснік загадчыка аддзела, з сакавіка 1941 года сакратар Мінскага абкама КП(б)Б. У перыяд Вялікай Айчыннай вайны з ліпеня 1941 сакратар Мінскага абкама КП(б)б, ствараў падпольныя райкомы КП(б)Б, арганізоўваў партызанскія атрады ў Мінскай і Палескай абласцях^[2].

У кастрычніку 1941 пры выкананні задання па арганізацыі партызанскага атрада схоплены гітлераўцамі каля в. Чырвоная Паляна Любанскага раёна. Забіты пры спробе да ўцёку. Яго імем названа 121-я партызанская брыгада, якая дзейнічала ў гады Вялікай Айчыннай вайны ў Мінскай і Палескай абласцях^[2].

У Любані ў 1964 годзе на ўшанаванне яго памяці ўстаноўлены помнік.

Зноскі

1. БелЭн 1997.
2. Брагин Алексей Фёдорович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 78. — 737 с.