Алік Паўлавіч Русецкі

У Вікіпедыі ёсць артыкулы пра іншых людзей з прозвішчам Русецкі.

Алік Паўлавіч Русецкі (30 лістапада 1938, в. Пліса, Смалявіцкі раён, Мінская вобласць — 12 красавіка 2015) — беларускі спецыяліст у галіне меліярацыі, рэкультывацыі і аховы зямель. Доктар тэхнічных навук (2007), дацэнт (1977).

Алік Паўлавіч Русецкі
Дата нараджэння	30 лістапада 1938(1938-11-30)
Месца нараджэння	Пліса, Пліскі сельсавет, Смалявіцкі раён, Менская вобласць, Беларуская ССР, СССР
Дата смерці	12 красавіка 2015(2015-04-12) (76 гадоў)
Грамадзянства	Беларусь
Месца працы	Беларуская дзяржаўная сельскагаспадарчая акадэмія Валагодскі дзяржаўны тэхнічны ўніверсітэт[d] Беларускі навукова-даследчы інстытут меліярацыі і лугаводства Палескі дзяржаўны ўніверсітэт Брэсцкі інжынерна-будаўнічы інстытут
Навуковая ступень	доктар тэхнічных навук (2007)
Навуковае званне	дацэнт (1977)
Альма-матар	Беларуская дзяржаўная сельскагаспадарчая акадэмія (1961)

Біяграфія

Скончыў Беларускую дзяржаўную сельскагаспадарчую акадэмію (кваліфікацыя «Інжынер-гідратэхнік», 1961).

Працаваў у Беларускай дзяржаўнай сельскагаспадарчай акадэміі (1961—1971), Брэсцкім інжынерна-будаўнічым інстытуце (1971), Валагодскім політэхнічным інстытуце (1975—1977, дацэнт, дэкан інжынерна-будаўнічага факультэта), Інстытуце меліярацыі (1971—1975 — загадчык лабараторыі гідратэхнічных меліярацый, 1977—2001 — загадчык лабараторыі польдэрнага асушэння Палескага комплекснага аддзела, 2003—2012 — вядучы навуковы супрацоўнік лабараторыі эксплуатацыі меліярацыйных сістэм), Палескім дзяржаўным універсітэце (з 2012, загадчык кафедры ландшафтнага праектавання).

Навуковыя інтарэсы: гідратэхнічная меліярацыя; асушэнне пойменных зямель; стварэнне і эксплуатацыя польдэрных меліярацыйных сістэм.

Бібліяграфія

• Конструкции, методы расчета и способы эксплуатации польдерных систем Белорусского Полесья : диссертация … доктора технических наук : 06.01.02 : защищена 20.04.2007 : утверждена 31.10.2007 / Русецкий Алик Павлович. — Минск, 2006.
• Исследования дальности полета дождевальных импульсных струй : автореферат диссертации … кандидата технических наук : 06.531 / А. П. Русецкий. — Горки, 1969.

Зноскі