Амфіумы

Амфіумы (Amphiumidae) — сямейства хвастатых земнаводных.

Амфіумы
Амфіума меанс (Amphiuma means)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Земнаводныя Атрад:  Хвастатыя земнаводныя Падатрад:  Salamandroidea Сямейства:  Амфіумы
Міжнародная навуковая назва
Amphiumidae
Роды
Amphiuma †Proamphiuma
Сістэматыка на Віківідах Выявы на Вікісховішчы ITIS   173607 NCBI   8310 EOL   7520 FW   37366

Сямейства ўключае 1 сучасны род, 3 віды. Найбольш вядомая амфіума меанс.

Апісанне

Даўжыня 0,8 — 1 м. Цела чорнае, вугрападобнае. Маюць дзве пары малых рудыментарных канечнасцей з двума-тыма недаразвітымі пальцамі, унутраныя шчэлепы і схаваныя пад скурай вочы. Лічынкі дыхаюць шчэлепамі, дарослыя лёгкімі. У дарос­лых амфіум па баках галавы маецца «пырскальца» — відазме­неная жа­бер­ная шчыліна.

Пашырэнне

Пашыраны на паўднёвым усходзе ЗША, вядуць водны ці паўводны спосаб жыцця. Жывуць у забалочаных вадаёмах, азёрах, непраточных глеістых вадаёмах, на рысавых чэках (абвалаваных участках палёў). Дарос­лыя амфіумы мо­гуць доўга зна­хо­дзіцца на су­шы.

Асаблівасці біялогіі

Актыўныя ўначы, светлы час праводзяць у схованках. Кормяцца беспазваночнымі, радзей дробнымі рыбамі, земнаводнымі. Зімуюць у глеі.

Адкладваюць на сушы ў вільготных месцах да 150 яец. Самка ахоўвае кладку. Пры абароне кусаюцца. Палавая спеласць на 4-м годзе.

Чалавекам выкарыстоўваюцца мяса, тлушч і скура.

Літаратура

• Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).