Настасся Сяргееўна Мірончык-Іванова

Настасся Мірончык-Іванова (13 красавіка 1989, Слуцк) — беларуская лёгкаатлетка, дэпутатка Палаты прадстаўнікоў Нацыянальнага сходу Рэспублікі Беларусь з 2024 года. Спецыялізуецца ў трайных скачках, скачках у даўжыню. Майстар спорту Беларусі міжнароднага класа.

Настасся Мірончык-Іванова
Агульная інфармацыя
Пол	жаночы
Поўнае імя	Настасся Сяргееўна Мірончык-Іванова
Спецыялізацыя	скачок у даўжыню[d]
Клуб	Дынама
Нарадзілася	13 красавіка 1989(1989-04-13) (36 гадоў) Слуцк, Слуцкі раён, Мінская вобласць, Беларуская ССР, СССР[1]
Грамадзянства	Беларусь
Альма-матар	Школа № 13[d] Слуцкая спецыялізаваная дзіцяча-юнацкая школа алімпійскага рэзерву РДВАР БДУФК Акадэмія кіравання пры Прэзідэнце Рэспублікі Беларусь
Рост	171 см
Вага	53 кг
IAAF	14269729
Узнагароды і медалі Чэмпіянаты Беларусі Золата 2016 даўжыня Дзяржаўныя і ведамасныя ўзнагароды
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Мірончык.

У Вікіпедыі ёсць артыкулы пра іншых людзей з прозвішчам Іванова.

Біяграфія

Нарадзілася 13 красавіка 1989 года ў г. Слуцку Мінскай вобласці^[2].

Скончыла Рэспубліканскае дзяржаўнае вучылішча алімпійскага рэзерву па спецыяльнасці «Трэнерская праца па лёгкай атлетыцы»; Беларускі дзяржаўны ўніверсітэт фізічнай культуры па спецыяльнасці «Трэнер-выкладчык па лёгкай атлетыцы»; Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае кіраванне і права»^[2].

Працавала спартсменам-інструктарам нацыянальнай каманды Рэспублікі Беларусь па лёгкай атлетыцы Рэспубліканскага цэнтра алімпійскай падрыхтоўкі па лёгкай атлетыцы; інструктарам па спорце спартыўнай каманды Міністэрства ўнутраных спраў Рэспублікі Беларусь^[2].

У 2024 годзе выбрана дэпутаткай Палаты прадстаўнікоў Нацыянальнага сходу Рэспублікі Беларусь VIII склікання ад Дзяржынскай акругі № 98. Член Пастаяннай камісіі па ахове здароўя, фізічнай культуры, сямейнай і маладзёжнай палітыцы^[2].

Спартыўныя дасягненні

На Чэмпіянаце Свету 2009 — 11-я, Чэмпіянаце Свету 2011 — 4-я, Чэмпіянаце Свету 2012 — 5-я, Чэмпіянаце Еўропы 2011 — 6-я.

Удзельніца Алімпійскіх гульняў 2012 года ў катэгорыі скачкі ў даўжыню^[3].

На Чэмпіянаце свету 2016 года заняла 9 месца ў скачках у даўжыню з вынікам 6,56 м^[4].

Чэмпіёнка Беларусі 2016 года ў скачках у даўжыню з вынікам 6,76 м^[4].

У 2019 годзе Настасся Мірончык-Іванова стала сярэбраным прызёрам чэмпіянату Еўропы ў закрытых памяшканнях у скачках у даўжыню. У фінальным этапе спаборніцтваў у Глазга спартсменка ў першай жа спробе ўстанавіла асабісты рэкорд — 6 м 93 см^[5].

Майстар спорту міжнароднага класа па лёгкай атлетыцы^[2].

Узнагароды

Узнагароджана Ганаровай граматай Мінскага абласнога выканаўчага камітэта, граматамі Міністэрства спорту і турызму Рэспублікі Беларусь, Міністэрства ўнутраных спраў Рэспублікі Беларусь^[2].