Анатоль Мікалаевіч Ахрамчук

Анатоль Мікалаевіч Ахрамчук (11 студзеня 1949, Селішчы, Бабруйскі раён, Магілёўская вобласць — 27 кастрычніка 2008) — беларускі дыпламат.

Анатоль Мікалаевіч Ахрамчук
пасол Беларусі ў Анголе[d] 2002 — 27 кастрычніка 2008
Пераемнік	Андрэй Моўчан
пасол Беларусі ў Паўднёва-Афрыканскай Рэспубліцы[d] 1999 — 27 кастрычніка 2008
Пераемнік	Андрэй Моўчан
Нараджэнне	11 студзеня 1949(1949-01-11) Бабруйскі раён, Бабруйская вобласць, Беларуская ССР, СССР
Смерць	27 кастрычніка 2008(2008-10-27) (59 гадоў)
Месца пахавання	Усходнія могілкі
Адукацыя	Беларускі дзяржаўны інстытут народнай гаспадаркі імя В. У. Куйбышава (1982) Талінскае мараходнае вучылішча ММФ СССР[d] (1968)
Навуковая ступень	кандыдат эканамічных навук (1986)

Біяграфія

Нарадзіўся 11 студзеня 1949 года ў вёсцы Селішчы Бабруйскага раёна Магілёўскай вобласці.

У 1968 годзе скончыў Талінскае мараходнае вучылішча ММФ СССР. У 1982 годзе скончыў Беларускі дзяржаўны інстытут народнай гаспадаркі. У 1986 годзе скончыў аспірантуру пры БДІНГ. У 1986 годзе прысуджана вучоная ступень кандыдата эканамічных навук.

1968—1976 гг. — памочнік капітана (штурман) на суднах гандлёвага флоту Паўночнага марскога параходства, г. Архангельск. У 1976—1992 гг. — праца на вядучых пасадах навукова-даследчых інстытутаў г. Мінска. У 1992—1996 гг. — першы намеснік міністра па антыманапольнай палітыцы Рэспублікі Беларусь. У 1996—1999 гг. — намеснік міністра прадпрымальніцтва і інвестыцый Рэспублікі Беларусь. Узнагароджаны ганаровай граматай Савета Міністраў РБ. У 1997 годзе прысвоены першы клас служачага дзяржапарату. У 1999 годзе прысвоены дыпламатычны ранг Надзвычайнага і Паўнамоцнага Пасланніка другога класа. З 1999 па 27.10.2008 гг. — Надзвычайны і Паўнамоцны Пасол Рэспублікі Беларусь у ПАР, па сумяшчальніцтве — у Анголе.

Памёр 27 кастрычніка 2008 года. Пахаваны ў Мінску на Усходніх могілках.