Анатоль Уладзіміравіч Ткачук

Анатоль Уладзіміравіч Ткачук (нар. 4 студзеня 1962, в. Дастоева Іванаўскага раёна Брэсцкай вобласці) — беларускі палітык.

Анатоль Уладзіміравіч Ткачук
старшыня Іванаўскага раённага выканаўчага камітэта[d] май 2019 — 14 жніўня 2025
Пераемнік	Мікалай Мікалаевіч Бортнік
Нараджэнне	4 студзеня 1962(1962-01-04) (63 гады) Дастоева, Дастоеўскі сельсавет, Іванаўскі раён, Брэсцкая вобласць, Беларуская ССР, СССР
Адукацыя	Беларуская дзяржаўная сельскагаспадарчая акадэмія Акадэмія кіравання пры Прэзідэнце Рэспублікі Беларусь
Узнагароды	ганаровая грамата Нацыянальнага сходу Рэспублікі Беларусь

У Вікіпедыі ёсць артыкулы пра іншых людзей з прозвішчам Ткачук.

Біяграфія

Скончыў Беларускую сельскагаспадарчую акадэмію, Акадэмію кіравання пры Прэзідэнце Рэспублікі Беларусь.

Працаваў галоўным інжынерам калгаса «50 год Кастрычніка» Калінкавіцкага раёна Гомельскай вобласці, начальнікам аддзела аўтаперавозак, намеснікам старшыні па вытворчасці Іванаўскага раённага вытворчага аб’яднання «Сельгасхімія», начальнікам кацельні міжкалгаснага санаторыя «Алеся» Іванаўскага раёна, галоўным інжынерам упраўлення сельскай гаспадаркі і харчавання Іванаўскага райвыканкама, старшынёй калгаса імя Горкага Іванаўскага раёна, старшынёй сельскагаспадарчага вытворчага кааператыва «Ляскавічы-агра» Іванаўскага раёна, першым намеснікам старшыні, начальнікам упраўлення сельскай гаспадаркі і харчавання, старшынёй Івацэвіцкага райвыканкама (2005—2016).

Выбіраўся дэпутатам Палаты прадстаўнікоў Нацыянальнага сходу Рэспублікі Беларусь 6-га склікання (2016—2019).

У маі 2019 года быў прызначаны старшынёй Іванаўскага райвыканкама.

Узнагароды

Узнагароджаны медалём «За адзнаку ў воінскай службе» II ступені, Ганаровай граматай Нацыянальнага сходу Рэспублікі Беларусь^[1].

Зноскі

1. Ткачук Анатолій Уладзіміравіч