Анатоль Даміянавіч Шыбнёў

У Вікіпедыі ёсць артыкулы пра іншых людзей з прозвішчам Шыбнёў.

Анатоль Даміянавіч (Дзям’янавіч) Шыбнёў (11 (24) снежня 1907, Пецярбург — 19 сакавіка 1990, Мінск) — беларускі савецкі мастак-жывапісец, заслужаны дзеяч мастацтваў БССР (1963). Сын мастака Даміяна Шыбнёва, бацька мастака Яўгена Шыбнёва^[1].

Анатоль Даміянавіч Шыбнёў
Дата нараджэння	11 (24) снежня 1907
Месца нараджэння	Санкт-Пецярбург, Расійская імперыя
Дата смерці	19 сакавіка 1990(1990-03-19) (82 гады)
Месца смерці	Мінск, Беларуская ССР, СССР
Грамадзянства	СССР
Бацька	Даміян Васілевіч Шыбнёў
Дзеці	Яўген Шыбнёў
Род дзейнасці	мастак
Жанр	сюжэтна-тэматычная карціна, пейзаж і партрэт
Вучоба	Адэскае мастацкае вучылішча імя М. Б. Грэкава[d] (1934) Ленінградскі інстытут жывапісу, скульптуры і архітэктуры (1940)
Мастацкі кірунак	рэалізм
Уплыў	Ісак Бродскі і Уладзімір Аляксандравіч Сяроў
Уплыў на	Яўген Шыбнёў
Член у	Беларускі саюз мастакоў
Узнагароды

Біяграфія

З 1929 па 1934 г. вучыўся ў Адэскім мастацкім інстытуце.

У 1940 годзе скончыў Інстытут жывапісу, скульптуры і архітэктуры імя І. Я. Рэпіна ў Ленінградзе. Настаўнікамі яго былі Ісак Бродскі, Уладзімір Сяроў, Васіль Мяшкоў^[ru], Аляксандр Любімаў^[ru]. Па заканчэнні быў накіраваны на працу ў Брэст.

У 1941 годзе знаходзіўся ў нямецкім палоне.

З 1944 года стала жыў і працаваў у Мінску.

У 1945 годзе ўступіў у Саюз мастакоў БССР.

Удзельнік мастацкіх выставак з 1936 года.

Творчасць

Працаваў пераважна ў галіне станковага жывапісу ў жанрах тэматычнай карціны, партрэта, пейзажа.

Творы знаходзяцца ў Нацыянальным мастацкім музеі Рэспублікі Беларусь, фондзе Беларускага саюза мастакоў.

Зноскі

1. Artmuseum.by. Сто твораў за сто гадоў. Выстава жывапісу сям’і Шыбнёвых 18.10 — 17.11.2014 Архівавана 25 красавіка 2021.