Андрэй Германаў

Андрэй Ге́рманаў (балг.: Андрей Германов; 17 чэрвеня 1932, с. Цонева  (руск.), Балгарыя — 1981, Сафія) — балгарскі паэт і перакладчык. Заслужаны дзеяч культуры НРБ^[3].

Андрэй Германаў
балг.: Андрей Германов
Асабістыя звесткі
Дата нараджэння	17 чэрвеня 1932(1932-06-17)[1]
Месца нараджэння	Цонева[d], Трэцяе Балгарскае царства
Дата смерці	15 мая 1981(1981-05-15) (48 гадоў)
Месца смерці	Сафія, Народная Рэспубліка Балгарыя
Пахаванне	Цэнтральныя могілкі Сафіі[d]
Грамадзянства	Балгарыя[2]
Альма-матар	Сафійскі ўніверсітэт
Месца працы	Народна младеж[d] Съвременник[d]
Прафесійная дзейнасць
Род дзейнасці	паэт , перакладчык
Мова твораў	балгарская
Узнагароды	ганаровае званне «Заслужаны»[d]

У 1956 годзе ён скончыў Сафійскі ўніверсітэт^[3]. Працаваў рэдактарам у газеце «Народна младеж», у выдавецтвах «Народна младеж  (балг.)» і «Български писател», як намеснік галоўнага рэдактара часопіса «Съвременник  (балг.)» і рэдактарам часопіса «Пламък».

Творчасць

У зборніках паэзіі раскрывае складаны характар і багаты ўнутраны свет сучасніка. Лірыка Германава адметная глыбінёй, драматызмам пачуццяў, высокай культурай слова, дасканаласцю формы^[3].

Пераклад твораў славянскай літаратуры

Перакладаў творы Я. Купалы, Я. Коласа, М. Багдановіча, П. Броўкі, М. Танка, Н. Гілевіча, А. Вярцінскага і іншых беларускіх аўтараў. Акрамя таго перакладаў рускіх і ўкраінскіх паэтаў і пісьменнікаў^[3].

Бібліяграфія

• 1962 — «Работнически влак» (вершы)
• 1964 — «Родов герб» (вершы)
• 1965 — «Равноденствие» (вершы)
• 1967 — «Да ме запомниш» (вершы)
• 1970 — «Преображения» (вершы)
• 1970 — «Като въздишка» (лірыка)
• 1970 — «Мост» (вершы)
• 1974 — «Четиристишия» (вершы)
• 1974 — «Парнас около нас. Дружески шаржове, пародии, епиграми» (у суаўтарстве з Іванам Ніколавым  (балг.))
• 1975 — «Касцёр на вяршыні» (беларускія пераклады)
• 1976 — «Нови четиристишия»
• 1979 — «Самоубийствено живеем»
• 1981 — «Шаячни момчета» (успаміны)

Пераклады на беларускую мову

На беларускую мову творы А. Германава перакладалі Анатоль Вярцінскі, Анатоль Грачанікаў, Алесь Разанаў, Васіль Сахарчук^[4], Ніл Гілевіч.

• Касцёр на вяршыні: Выбр. лірыка : Пер. з балгар. мовы / Уклад. і прадм. А. Вярцінскага. — Мінск : Мастацкая літаратура, 1975. — 111с., 1л. партр.

Зноскі

1. Bibliothèque nationale de France data.bnf.fr: платформа адкрытых даных — 2011. Праверана 10 кастрычніка 2015.

   <a href='https://wikidata.org/wiki/Track:Q19938912'></a><a href='https://wikidata.org/wiki/Track:Q54837'></a><a href='https://wikidata.org/wiki/Track:Q193563'></a>
2. Bibliothèque nationale de France data.bnf.fr: платформа адкрытых даных — 2011. Праверана 27 сакавіка 2017.

   <a href='https://wikidata.org/wiki/Track:Q19938912'></a><a href='https://wikidata.org/wiki/Track:Q54837'></a><a href='https://wikidata.org/wiki/Track:Q193563'></a>
3. Германов Андрей // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 145. — 737 с.
4. Галасы з-за небакраю: анталогія паэзіі свету ў беларускіх перакладах ХХ ст. Склад. М. Скобла. — Мн.: Лімарыус 2008. — 896 с.