Андрэй Дзмітрыевіч Кароль

Андрэ́й Дзмі́трыевіч Каро́ль (нар. 30 кастрычніка 1972, г. Гродна) — беларускі педагог. Доктар педагагічных навук, прафесар. Рэктар Гродзенскага дзяржаўнага ўніверсітэта імя Янкі Купалы (2013—2017), рэктар Беларускага дзяржаўнага ўніверсітэта (з 2017)^[3].

Андрэй Дзмітрыевіч Кароль
Дата нараджэння	30 кастрычніка 1972(1972-10-30)[1] (52 гады)
Месца нараджэння	Гродна, Гродзенская вобласць, Беларуская ССР, СССР
Грамадзянства	СССР  Беларусь
Род дзейнасці	педагог, выкладчык універсітэта
Навуковая сфера	педагогіка[2], кіраванне адукацыяй[d], адукацыйныя навукі[d], дыдактыка[2], эўрыстыка[d][2] і Dialogue education[d][2]
Месца працы	Гродзенскі філіял Інстытута сучасных ведаў[d] ГрДМУ Гродзенскі дзяржаўны ўніверсітэт імя Янкі Купалы БДУ
Навуковая ступень	доктар педагагічных навук
Навуковае званне	прафесар[d]
Альма-матар	Гродзенскі дзяржаўны ўніверсітэт імя Янкі Купалы
Навуковы кіраўнік	Андрэй Віктаравіч Хутарской[d]
Узнагароды	Ганаровая грамата Міністэрства адукацыі Рэспублікі Беларусь (2011) Ганаровая грамата Гродзенскага абласнога выканаўчага камітэта[d] (2015) Ганаровая грамата Гродзенскага абласнога Савета дэпутатаў[d] (2017) Падзяка Прэзідэнта Рэспублікі Беларусь[d] (2016) Падзяка Вышэйшай атэстацыйнай камісіі Рэспублікі Беларусь[d]
Цытаты ў Вікіцытатніку

У Вікіпедыі ёсць артыкулы пра іншых людзей з прозвішчам Кароль.

Біяграфія

Нарадзіўся 30 кастрычніка 1972 года ў Гродне. У 1995 годзе скончыў інжынерны факультэт Гродзенскага дзяржаўнага ўніверсітэта па спецыяльнасці «Радыёфізіка і электроніка».

З 1999 года выкладаў на кафедры фізіка-матэматычных дысцыплін і эканамічнай інфарматыкі Гродзенскага філіяла Інстытута сучасных ведаў. З 2000 года працаваў у Гродзенскім дзяржаўным медыцынскім універсітэце. Працаваў старшым выкладчыкам, потым кіраўнік аддзела адукацыйных інфармацыйных тэхналогій і навукова-медыцынскай інфармацыі і загадчык кафедры псіхалогіі і педагогікі. Працаваў у ГрДМУ да 2008 года.

У 2002 годзе абараніў кандыдацкую дысертацыю «Метад эўрыстычнага дыялогу як сродак актывізацыі навучальна-пазнавальнай дзейнасці навучэнцаў», а ў 2009 годзе доктарскую дысертацыю «Мадэляванне сістэмы эўрыстычнага навучання на аснове дыялогу» (Масква, Расійская акадэмія адукацыі). У 2010 годзе прысвоена навуковая ступень ВАК Расіі, а ў 2018 годзе прысвоена навуковае званне «прафесар» ВАК Беларусі.

У 2012 годзе пачаў працаваць у ГрДУ імя Янкі Купалы загадчыкам кафедры педагогікі педагагічнага факультэта. З сакавіка 2013 года па верасень 2017 года быў рэктарам ГрДУ імя Янкі Купалы^[4].

Рэктар БДУ. Кіраванне палітычнымі рэпрэсіямі

28 верасня 2017 года прызначаны рэктарам Беларускага дзяржаўнага ўніверсітэта^[5]. Пасля пачатку палітычнага крызісу 2020 года ў Беларусі кіраваў палітычна матываванымі рэпрэсіямі супраць выкладчыкаў і студэнтаў універсітэта^[6]. Само кіраўніцтва БДУ паведамляла, што з 9 жніўня 2020 года па жнівень 2023 года паводле палітычных матываў у БДУ былі звольнены 50 работнікаў, двое атрымалі заўвагі, а трое — вымовы. Акрамя таго, былі адлічаныя 140 студэнтаў^[6]. Паводле перапісак Караля, атрыманых групай Кіберпартызаны, вядома, што сам Кароль дакладваў супрацоўнікам МУС пра палітычныя акцыі студэнтаў.^[6]

З 2024 года дэпутат Мінскага гарадскога Савета дэпутатаў 29-га склікання ад Паўлоўскай выбарчай акругі № 26^[7]. У красавіку 2024 года быў выбраны дэлегатам на Усебеларускі народны сход 7-га склікання ад мясцовых Саветаў дэпутатаў^[8].

Узнагароды, званні

• тры граматы Расійскай акадэміі адукацыі;
• «Медаль Сакрата»;
• ганаровая грамата Міністэрства адукацыі Рэспублікі Беларусь (2011);
• стыпендыя Прэзідэнта Рэспублікі Беларусь таленавітым маладым навукоўцам (2012);
• ганаровая грамата Рэспубліканскага цэнтра фізічнага выхавання і спорту навучэнцаў і студэнтаў (2013);
• падзяка Міністра адукацыі Беларусі (2014);
• ганаровая грамата Гродзенскага абласнога выканаўчага камітэта (2015);
• ганаровая грамата Гродзенскага гарадскога Савета дэпутатаў (2015);
• падзяка Прэзідэнта Рэспублікі Беларусь (2016);
• ганаровая грамата Гродзенскага абласнога Савета дэпутатаў (2017);
• падзяка Вышэйшай атэстацыйнай камісіі Рэспублікі Беларусь (2017);
• нагрудны знак Міністэрства адукацыі «Выдатнiк адукацыi» (2017);
• грамата Узброеных Сіл Рэспублікі Беларусь (2018).