Інстытут сучасных ведаў імя А. М. Шырокава

Інстытут сучасных ведаў імя А. М. Шырокава (руск.: Институт современных знаний имени А. М. Широкова) — недзяржаўная вышэйшая навучальная ўстанова Беларусі.

Інстытут сучасных ведаў імя А. М. Шырокава (ІСВ імя Шырокава)
Міжнародная назва	Shirokov Institute of Contemporary Knowledge
Ранейшыя назвы	Інстытут сучасных ведаў
Заснаваны	1990
Тып	недзяржаўны
Рэктар	Аляксандр Львовіч Капілаў
Краіна	Беларусь
Размяшчэнне	Мінск
Метро	Маскоўская
Юрыдычны адрас	Беларусь, Мінск, вул. Філімонава, 69
Сайт	isz.minsk.by
Медыяфайлы на Вікісховішчы

Гісторыя

Заснаваны ў кастрычніку 1990 года акадэмікам НАН Беларусі А. М. Шырокавым як «Гасразліковы інстытут сучасных ведаў».

У 1994 годзе навучальная ўстанова перайменавана ў «Недзяржаўны інстытут сучасных ведаў».

У 2004 годзе пераназваны ў Прыватную ўстанову адукацыі «Інстытут сучасных ведаў імя А. М. Шырокава» ў гонар свайго заснавальніка^[1].

Да 2005 года дзейнічалі філіялы ІСВ у гарадах Гродна, Віцебск і Брэст, якія былі закрыты Мінадукацыяй РБ як неадпавядаючыя патрабаванням^[2][3].

Структура

Інстытут сучасных ведаў. Уваход. Люты 2018 г.

• Факультэт мастацтваў
  • Кафедра мастацкай творчасці і прадзюсерства
  • Кафедра дызайну
• Гуманітарны факультэт
  • Кафедра міжкультурнай камунікацыі
  • Кафедра культуралогіі
  • Кафедра сацыяльна-гуманітарных дысцыплін і менеджменту
• Кафедра вышэйшай матэматыкі і інфарматыкі

Таксама дзейнічае бібліятэка і савет інстытута.

Спецыяльнасці

• Мастацтва эстрады:
  • Інструментальная музыка
  • Камп’ютарная музыка
  • Спевы
•   Дызайн:
  • Прадметна-прасторавага асяроддзя
  • Касцюма і тканін
  • віртуальнага асяроддзя
• Культуралогія (прыкладная)
• Лінгвістычнае забеспячэнне міжкультурных камунікацый (міжнародны турызм)
• Музейная справа і ахова гісторыка-культурнай спадчыны (культурная спадчына і турызм)

Цікавыя факты пра ІСВ

• З’яўляецца першым прыватным ВНУ Беларусі (заснаваны як гасразліковы)
• У чэрвені 2016 года падчас змены маршрута аўтобуса 87с з’явіўся прыпынак у гонар інстытута^[4]

Рэктары

• 1990—2003 — Аляксандр Міхайлавіч Шырокаў
• з 2004 — Аляксандр Львовіч Капілаў

Вядомыя выпускнікі

• Ганна Бонд — блогер і вядучая Onliner.by (выпуск 2007^[5])
• Паліна Гавароўская — вядучая Пілот FM (выпуск 2007^[6])
• Віктар Міхайлавіч Каранкевіч (нар. 1976) — беларускі дзяржаўны дзеяч

Вядомыя выкладчыкі

• Валерый Фёдаравіч Ачайкін (1938—2017) — архітэктар, мастак і педагог.
• Леанід Яўсеевіч Дзягілеў (1940—2024) — мастак-графік, загадчык кафедры дызайну.
• Юрый Васілевіч Гаўрын (1943—2016) — мастак-жывапісец, манументаліст.
• Міхаіл Сямёнавіч Будавей (нар. 1949) — мастак-графік.
• Надзея Іванаўна Прышчэп (нар. 1950) — мадэльерка, дацэнт.
• Ларыса Давыдаўна Фінкельштэйн (1950—2023) — дацэнт кафедры мастацтвазнаўства ў 1999—2001.
• Віктар Васілевіч Мікіта (нар. 1955) — бмастак-графік.
• Сяргей Лявонцьевіч Стоцкі (нар. 1961) — архітэктар і мастак.
• Андрэй Дзмітрыевіч Кароль (нар. 1972) — педагог, рэктар ГрДУ і БДУ.
• Юлія Аляксандраўна Гайдукова (нар. 1981) — мастацтвазнаўца, дызайнер.