Андрэй Мікалаевіч Тур

У Вікіпедыі ёсць артыкулы пра іншых людзей з прозвішчам Тур.

Андрэй Мікалаевіч Тур (20 красавіка 1953, Ленінград, РСФСР — 31 мая 2016) — беларускі эканаміст, спецыяліст у галіне эканамічнай тэорыі, дзяржаўны дзеяч. Доктар эканамічных навук (1992), прафесар (1993).

Андрэй Мікалаевіч Тур
Дата нараджэння	20 красавіка 1953(1953-04-20)
Месца нараджэння	Ленінград, РСФСР, СССР
Дата смерці	31 мая 2016(2016-05-31) (63 гады)
Грамадзянства	Беларусь
Месца працы	БНТУ Адміністрацыя прэзідэнта Рэспублікі Беларусь Міністэрства эканомікі Рэспублікі Беларусь Гавайскі ўніверсітэт Беларускі дзяржаўны эканамічны ўніверсітэт
Навуковая ступень	доктар эканамічных навук
Навуковае званне	прафесар
Альма-матар	Беларускі дзяржаўны эканамічны ўніверсітэт

Біяграфія

Скончыў Беларускі дзяржаўны інстытут народнай гаспадаркі імя В. У. Куйбышава (планава-эканамічны факультэт, 1974; аспірантура, 1978).

Працаваў у Беларускім дзяржаўным інстытуце народнай гаспадаркі імя В. У. Куйбышава (з 1978, кафедра эканамічнай тэорыі і гісторыі эканамічных вучэнняў, у 1982—1988 і 1991—1995 — загадчык кафедры), Гаванскім універсітэце (Куба; 1983—1985, выкладчык-кансультант), Міністэрстве эканомікі Рэспублікі Беларусь (1995—2011, намеснік міністра), Адміністрацыі Прэзідэнта Рэспублікі Беларусь (2011—2013, намеснік главы), Беларускім нацыянальным тэхнічным універсітэце (з 2013, прафесар кафедры «Эканоміка і права», з 2015 года — загадчык кафедры «Бізнес-адміністраванне»).

Навуковыя інтарэсы: гісторыя эканамічных вучэнняў; фарміраванне палітыкі макраэканамічнай стабілізацыі ў пераходны перыяд; эканамічная бяспека; інавацыйна-інвестыцыйная дзейнасць.

Бібліяграфія

• Категориальный аппарат английской политической экономии в аспекте современных проблем развития и изучения экономической теории : автореферат диссертации … доктора экономических наук : 08.00.01 / Тур Андрей Николаевич. — Минск, 1992.
• Современная буржуазная политэкономия Англии о национальном доходе (критический анализ) : автореферат диссертации … кандидата экономических наук : 08.00.01 / Тур Андрей Николаевич. — Минск, 1980.

Зноскі