Андрэй Пятровіч Жамойда

Андрэй Пятровіч Жамойда (нар. 25 красавіка 1977, Бярозаўка) — беларускі дэпутат.

Андрэй Пятровіч Жамойда
Нараджэнне	25 красавіка 1977(1977-04-25) (48 гадоў) Бярозаўка, Лідскі раён, Гродзенская вобласць, Беларуская ССР, СССР

У Вікіпедыі ёсць артыкулы пра іншых людзей з прозвішчам Жамойда.

Біяграфія

Нарадзіўся 25 красавіка 1977 года ў горадзе Бярозаўка Лідскага раёна Гродзенскай вобласці^[1].

Скончыў Белгародскі дзяржаўны тэхналагічны ўніверсітэт імя У. Р. Шухава па спецыяльнасці «Тэхналогія машынабудавання»^[1].

Праходзіў службу ва Узброеных сілах Рэспублікі Беларусь^[1].

Працаваў вадзіцелем Лідскага РУП ЖКГ; паліроўшчыкам шклавырабаў кіслатой у цэху вытворчасці шклозавода «Нёман»; паліроўшчыкам, начальнікам змены, намеснікам начальніка цэха, вядучым інжынерам па вытворчасці шклаваты навукова-тэхнічнага цэнтра, намеснікам галоўнага інжынера — начальнікам навукова-тэхнічнага цэнтра, намеснікам дырэктара — галоўным інжынерам шклозавода «Нёман»^[1]. Дырэктар РДУВП «Конус» Навукова-практычнага цэнтра НАН Беларусі па механізацыі сельскай гаспадаркі^[1].

Дэпутат Гродзенскага абласнога Савета дэпутатаў 28-га і 29-га скліканняў^[1].

Дэлегат VI і VII Усебеларускіх народных сходаў^[1].

Выбраны ў 2024 годзе членам Савета Рэспублікі Нацыянальнага сходу Беларусі 8-га склікання ад Гродзенскай вобласці (вылучаны ад Дзятлаўскага і Лідскага раёнаў)^[1]. Член Пастаяннай камісіі Савета Рэспублікі па заканадаўстве і дзяржаўным будаўніцтве^[1].

Член працоўных груп Нацыянальнага сходу Беларусі па супрацоўніцтве з парламентамі Венгрыі, Славацкай Рэспублікі, Рэспублікі Таджыкістан і асобных дзяржаў Еўропы^[1].

Член РГА «Белая Русь»^[1].

Узнагароды

Мае падзячнае пісьмо Прэзідэнта Рэспублікі Беларусь, падзякі Прэм’ер-міністра, старшыні Савета Рэспублікі, старшыні Прэзідыума Нацыянальнай акадэміі навук Беларусі^[1].

Узнагароджаны медалём «За працоўныя заслугі», ганаровымі граматамі Адміністрацыі Прэзідэнта, Гродзенскага абласнога Савета дэпутатаў, Лідскага райвыканкама, НАН Беларусі^[1].