Андрэянаўскія астравы

Андрэя́наўскія астравы (англ.: Andreanof Islands) — група астравоў у цэнтральнай частцы архіпелага Алеуцкія астравы. Уваходзяць у склад ЗША. Агульная плошча — 3 924,7 км². Населены толькі астравы Адак і Атка.

Андрэянаўскія астравы
англ. Andreanof Islands
Характарыстыкі
Колькасць астравоў	46[1]
Найбуйнейшы востраў	Атка
Агульная плошча	3.924,7 км²
Найвышэйшы пункт	1 806 м
Размяшчэнне
51°45′10″ пн. ш. 176°36′47″ у. д.HGЯO
Архіпелаг	Алеуцкія астравы
Акваторыя	Берынгава мора
Краіна	ЗША
Штат	Аляска
Андрэянаўскія астравы
Андрэянаўскія астравы
Медыяфайлы на Вікісховішчы

Геаграфія

Андрэянаўскія астравы выцягнутыя ў напрамку з захаду на ўсход прыкладна на 440 км. У склад групы ўваходзяць 46 вулканічных астравоў і вялікая колькасць дробных скал. Найбольш буйныя астравы: Атка, Адак, Баброф, Танага, Літл-Танага, Канага, Кагаласка, Амля, Умак, Сігуам. Найвышэйшы пункт — 1806 м (на востраве Танага)^[1]. У групе астравоў 8 дзеючых вулканаў^[1].

Гісторыя

Астравы адкрытыя ў час экспедыцыі 1760—1764 гг. Андрэяна Талстых, Пятра Васюткіна і Максіма Лазарава. Названыя ў 1761 годзе ў гонар карабля «Андрэян».

На востраве Адак знаходзілася ваенная база ЗША, зачыненая ў 1997^[2] годзе.

Зноскі

1. Географический энциклопедический словарь: Географические названия / Гл. ред А. Ф. Трёшников; Ред. кол.: Э. Б. Алаев, П. М. Алампиев, А. Г. Воронов и др.. — М.: Сов. энциклопедия, 1983. — С. 28. — 538 с. — 100 000 экз. (руск.)
2. Andreanof Islands // Encyclopædia Britannica (англ.)