Анні Дзюпрэ

У Вікіпедыі ёсць артыкулы пра іншых людзей з прозвішчам Дзюпрэ.

Анні Дзюпрэ (фр. Anny Duperey, сапраўднае імя фр. Annie Legras, нар. 28 чэрвеня 1947, Руан, Прыморская Сена, Францыя) — французская актрыса і пісьменніца.

Анні Дзюпрэ
фр.: Anny Duperey
Дата нараджэння	28 чэрвеня 1947(1947-06-28)[1][2][…] (78 гадоў)
Месца нараджэння	Руан, дэпартамент Прыморская Сена, Францыя[3]
Грамадзянства	Францыя
Муж	Bernard Giraudeau[d]
Дзеці	Sara Giraudeau[d] і Gaël Giraudeau[d]
Адукацыя	Вышэйшая нацыянальная кансерваторыя драматычнага мастацтва курсы Сімона[d] Conservatoire de Rouen[d]
Месца працы	Radio Classique[d]
Прафесія	раманіст, мадэль, тэатральная актрыса, кінаактрыса, кінарэжысёр
Узнагароды
IMDb	ID 0243175
Медыяфайлы на Вікісховішчы

Біяграфія

Нарадзілася ў сям’і фатографа Люсьена Легра і яго жонкі Жынет. Ва ўзросце 8 гадоў засталася сіратой; бацькі загінулі ад атручвання чадным газам ва ўласнай ваннай. Анні выхоўвалася ў бабулі і цёткі з боку бацькі. Пазней яна апісала гэтыя трагічныя падзеі ў сваёй кнізе «Le Voile noir», ілюстраванай захаванымі фотаработамі бацькі.

З 13 гадоў Анні займалася танцамі, а ў 1964 годзе пераязджае ў Парыж, дзе вучыцца ў Рэнэ Сімона і грае ў тэатры, адначасна працуючы мадэллю для часопісаў моды. Вераснёўскі нумар «Вог» 1973 года выйшаў з Анні Дзюпрэ на вокладцы.

Анні Дзюпрэ заўважыў Жан-Люк Гадар і ў 1966 годзе даў ёй першую ролю ў кінафільме «Дзве ці тры рэчы, якія я ведаю пра яе». Дзюпрэ здымалася пераважна ў лёгкіх і немудрагелістых забаўляльных фільмах. Магчымасць змяніць вобраз ёй даў толькі рэжысёр Ален Рэнэ ў фільме 1974 года «Ставіскі».

Дзюпрэ становіцца вядомай у 1976 годзе, сыграўшы ролю Шарлоты ў кінакарціне «І сланы бываюць нявернымі»; актрыса таксама мела досвед працы ў Галівудзе, зняўшыся з Аль Пачына ў фільме «Бобі Дзірфільд»

Паралельна Анні Дзюпрэ здымалася ў розных тэлесерыялах у Францыі. У наш час займаецца пераважна літаратурнай творчасцю і вядомая ў Францыі сваімі пачуццёвымі раманамі і апавяданнямі.