Антон Маркавіч Гарбацэвіч

У Вікіпедыі ёсць артыкулы пра іншых людзей з прозвішчам Гарбацэвіч.

Антон Маркавіч Гарбацэвіч (13 лютага 1912, в. Залессе, Асіповіцкі раён — 1981) — работнік прамысловасці, Герой Сацыялістычнай Працы (1966)^[3].

Антон Маркавіч Гарбацэвіч
Дата нараджэння	13 лютага 1912(1912-02-13)
Месца нараджэння	Залессе, Беларусь
Дата смерці	2 ліпеня 1981(1981-07-02)[1][2] (69 гадоў)
Месца пахавання	Асіповіцкі раён
Грамадзянства	Расійская імперыя  СССР
Прыналежнасць	СССР
Бітвы/войны	Вялікая Айчынная вайна савецка-фінляндская вайна Паход Чырвонай Арміі ў Заходнюю Беларусь і Украіну, 1939
Узнагароды і прэміі

Біяграфія

Нарадзіўся ў сялянскай сям’і ў 1912 годзе. Пачатковую адукацыю атрымаў у вясковага настаўніка. Батрачыў на заможнанага селяніна, быў сельскім пастушком^[4].

З 1927 года працаваў на Ялізаўскім шклозаводзе, з 1930 года — на торфапрадпрыемстве «Татарка»^[4].

У 1936 годзе прызваны ў Чырвоную Армію. Скончыў палкавую школу, набыў ваенную спецыяльнасць сувязіста, атрымаў званне старшыны^[4]. З верасня 1939 годзе прымаў удзел у вызваленні Заходняй Беларусі, у савецка-фінляндскай і Вялікай Айчыннай войнах. Ваяваў на Паўночна-Заходнім фронце^[3].

Пасля вайны працаваў на торфапрадпрыемстве «Татарка» Асіповіцкага раёна^[4]. У 1960-72 слесар механічнага цэха^[3]. Брыгада на чале з ім працавала паспяхова i творча, уносячы эфектыўныя змяненні ў канструкцыю машын па здабычы торфу^[4].

За значныя поспехі ў выкананні сямігадовага плана па развіццю тарфяной прамысловасці^[3] 29 чэрвеня 1966 г. Указам Прэзідыўма Вярхоўнага Савета СССР яму прысвоена званне Героя Сацыялістычнай Працы^[4].

А. М. Гарбацэвіч памёр у 1981 годзе^[4].

Зноскі

1. Беларусь у асобах і падзеях Праверана 13 снежня 2023.

   <a href='https://wikidata.org/wiki/Track:Q112702533'></a>
2. Героі краіны — 2000. Праверана 13 снежня 2023.

   <a href='https://wikidata.org/wiki/Track:Q3892199'></a>
3. Горбацевич Антон Маркович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 159. — 737 с.
4. Антон Маркавіч Гарбацэвіч (нявызн.)(недаступная спасылка). Архівавана з першакрыніцы 9 сакавіка 2017. Праверана 23 кастрычніка 2016.