Антон Сяргеевіч Кушнір

У Вікіпедыі ёсць артыкулы пра іншых людзей з прозвішчам Кушнір.

Анто́н Сярге́евіч Кушні́р (нар. 13 кастрычніка 1984, Ровенская вобласць, Украінская ССР) — беларускі фрыстайліст, які выступае ў лыжнай акрабатыцы. Уладальнік Кубка свету 2009/2010 (выйграў 4 этапы з 6, адзін раз заняў другое месца і адзін раз трэцяе), сярэбраны прызёр агульнага заліку Кубка свету 2007 /2008, пераможца Кубка Еўропы-2004. Першы трэнер — Галіна Пятроўна Досава. З 2002 года жыве і трэніруецца ў Беларусі (у Мінску). Выступае за «Дынама» (Мінск).

Антон Кушнір
Агульная інфармацыя
Пол	мужчынскі
Поўнае імя	Антон Сяргеевіч Кушнір
Спецыялізацыя	фрыстайл[1]
Клуб	«Дынама» (Мінск)
Нарадзіўся	13 кастрычніка 1984(1984-10-13) (40 гадоў) Радывыліў, Радывыліўскі раён, Ровенская вобласць, УССР, СССР
Грамадзянства	Беларусь
Рост	176 см
Вага	66 кг
Узнагароды і медалі Чэмпіянат свету па фрыстайле Бронза Дыр Вэлі 2011 Акрабатыка Алімпійскія гульні Фрыстайл (мужчыны) Золата Сочы 2014 Акрабатыка Дзяржаўныя і ведамасныя ўзнагароды
Медыяфайлы на Вікісховішчы

Біяграфія

Удзельнік Алімпійскіх гульняў 2006 года і 2010 гадоў. На Алімпіядзе-2010 у Ванкуверы, з’яўляючыся адным з галоўных фаварытаў турніру, у кваліфікацыі лідыраваў пасля першага скачку, але ў другім няўдала прызямліўся, у яго адшпілілася лыжа і ў выніку Кушнір паказаў толькі 21-ы вынік у другой спробе, не здолеўшы па суме 2 скачкоў прабіцца ў лік 12 фіналістаў.

Выйграў залаты медаль на Алімпіядзе-2014 у Сочы.

На Алімпійскіх гульнях 2018 у Пхенчхане Антон Кушнір не трапіў у фінал, яму прысудзілі агульнае 13-е месца. Пасля гэтага Аляксандр Лукашэнка накіраваў у адрас прэзідэнта Міжнароднага алімпійскага камітэта Томаса Баха прэтэнзіі з нагоды судзейства ў дачыненні да беларускага фрыстайліста.

Палітычныя погляды

Падпісаў адкрыты ліст спартыўных дзеячаў краіны, якія выступаюць за дзеючую ўладу Беларусі пасля жорсткіх падаўленняў народных пратэстаў у 2020 годзе^[2][3].

Зноскі

1. International Ski and Snowboard Federation database Праверана 26 красавіка 2022.

   <a href='https://wikidata.org/wiki/Track:Q212928'></a><a href='https://wikidata.org/wiki/Track:Q105753098'></a>
2. Стало известно, кто подписал открытое письмо спортсменов, выступающих за власть (руск.)(недаступная спасылка) (24 лістапада 2020). Архівавана з першакрыніцы 24 лістапада 2020. Праверана 24 лістапада 2020.
3. Подписи (нявызн.). Праверана 8 снежня 2020.