Арлея (гарадзішча)

У паняцця ёсць і іншыя значэнні, гл. Арлея (значэнні).

Арлея — археалагічны помнік каля вёскі Арлея Полацкага раёна Віцебскай вобласці Беларусі. Знаходзіцца за 1 км на паўночны ўсход ад вёскі, у лесе.

Гарадзішча
Арлея
Краіна	Беларусь
Вёска	Арлея
Статус	Гісторыка-культурная каштоўнасць Беларусі, шыфр 213В000641шыфр 213В000641

Апісанне

Мясцовая назва Царкавішча. Займае ўзгорак авальнай формы, вышынёй 20 м. Мае пляцоўку 50x30 м. Гарадзішча ўмацавана двумя валамі вышынёй 2,5 м, ніжэй прасочваюцца яшчэ два кальцавыя валы вышынёй 3,5 м і паміж імі 2 равы шырынёй 2,5 м і глыбінёй 1 м. Адкрыў і абследаваў ў 1981 годзе Ш. І. Бекцінееў. Раскопкі ў гарадзішчы не праводзіліся.

Літаратура

• Археалагічнае вывучэнне Полацка // Памяць: Полацк: гісторыка-дакументальныя хронікі гарадоў і раёнаў Беларусі / рэдкал: Г. П. Пашкоў [і інш.]; склад. С. С. Чарняўская; навук. рэд.: Г. В. Штыхаў, С. В. Тарасаў; мастак Э. Э. Жакевіч. — Мінск: БелЭн, 2002. — С. 27-48
• Полацкі раён // Збор помнікаў гісторыі і культуры Беларусі. Віцебская вобласць / рэдкал.: С. В. Марцэлеў [і інш.]. — Мінск : БелЭн імя П. Броўкі, 1985. — С. 332—377.