Архон

Архо́н (манг.: Орхон гол) — рака ў Манголіі, правы прыток ракі Селенга.

Архон
манг. Орхон гол
Характарыстыка
Даўжыня	1124 км
Басейн	132 800 км²
Расход вады	120 м³/с
Вадацёк
Выток	Хангай
• Месцазнаходжанне	Хангай
• Каардынаты	47°03′16″ пн. ш. 101°19′59″ у. д.HGЯO
Вусце	Селенга
• Каардынаты	50°15′07″ пн. ш. 106°08′14″ у. д.HGЯO
Размяшчэнне
Водная сістэма	Енісей
Краіна	Манголія
— выток, — вусце
Медыяфайлы на Вікісховішчы

Гідрагрфія

Даўжыня ракі 1124 км, плошча вадазбору 132,8 тыс. км². Сярэдні расход вады каля 120 м³/с. Рака бярэ свой пачатак у Хангайскіх гарах у Ара-Хангайскім аймаку Манголіі, у вярхоўях мае вузкую, месцамі каньёнападобную даліну, утварае вадаспад Улаан-Цутгалан вышынёй каля 20 м і шырынёй 10 м, у сярэднім цячэнні даліна глыбокая, звілістая, у нізоўях, па выхадзе з гор, рэчышча Архон пашыраецца да 100—150 метраў. Архон роўна на 100 км даўжэй Селенгі і з'яўляецца самай працяглай ракой Манголіі.

Сярод прытокаў — Туул (Тола), Тамір-Год (Тамір). На рацэ горад Сухэ-Батар.

Літаратура

• Географический энциклопедический словарь: Географические названия / Гл. ред А. Ф. Трёшников; Ред. кол.: Э. Б. Алаев, П. М. Алампиев, А. Г. Воронов и др.. — М.: Сов. энциклопедия, 1983. — С. 321. — 538 с. — 100 000 экз. (руск.)

Спасылкі

• Словарь современных географических названий. / Под общей редакцией акад. В. М. Котлякова. — Екатеринбург: У-Фактория. 2006. (руск.)
• Orkhon Valley Cultural Landscape // UNESCO World Heritage Centre (англ.)