Аршанская гарадская мастацкая галерэя В. А. Грамыкі

Аршанская гарадская мастацкая галерэя В. А. Грамыкі — музей у будынку былога езуіцкага калегіума XVII стагоддзя у горадзе Орша Віцебскай вобласці Беларусі. Філіял установы культуры «Музейны комплекс гісторыі і культуры Аршаншчыны».

Аршанская гарадская мастацкая галерэя В. А. Грамыкі
Заснаваны	2008
Краіна	Беларусь
Месцазнаходжанне	Орша
Адрас	211391, Рэспубліка Беларусь, Віцебская вобласць, г. Орша, вул. Леніна, 6а
orsha-gromyko.museum.by
Медыяфайлы на Вікісховішчы

Апісанне

У 2008 годзе Орша стала цэнтрам правядзення рэспубліканскага фестывалю кірмашу працаўнікоў вёскі «Дажынкі — 2008»^[1]. Самым галоўным і яркім момантам праграмы ўрачыстасцяў і ўсяго свята стала стварэнне і адкрыццё Аршанскай гарадской мастацкай галерэі В. А. Грамыкі, жывапісца, народнага мастака Беларусі, ганаровага акадэміка Нацыянальнай акадэміі навук Беларусі, прафесара жывапісу.

Асноўная мэта экспазіцыі галерэі — паказ багатай мастацкай спадчыны Аршаншчыны, асэнсаванне традыцый і заканамернасцей развіцця мастацкай культуры рэгіёна і Беларусі, майстэрства і таленту беларускіх мастакоў, які будзе спрыяць духоўнаму ўзбагачэнню грамадзян, іх далучэнню да нацыянальных і агульначалавечых каштоўнасцей.

У Аршанскай гарадской мастацкай галерэі В. А. Грамыкі працуе зала Віктара Грамыкі, пастаянная экспазіцыя, прысвечаная гісторыі будынка і дзейнасці Ордэна езуітаў у Оршы, пастаянная экспазіцыя, прысвечаная мастацкай культуры Аршаншчыны, а таксама сістэматычна арганізуюцца зменныя мастацкія выставы. У гасцінай Мастацкай галерэі рэгулярна праводзяцца культурна-адукацыйныя музейныя мерапрыемствы.