Арэхаўскі сельсавет (Маларыцкі раён)

У паняцця ёсць і іншыя значэнні, гл. Арэхаўскі сельсавет.

Арэ́хаўскі сельсавет — былая^[2] адміністрацыйна-тэрытарыяльная адзінка ў складзе Маларыцкага раёна Брэсцкай вобласці Беларусі. Адміністрацыйны цэнтр — аграгарадок Арэхава.

Арэхаўскі сельсавет
Краіна	Беларусь
Уваходзіць у	Маларыцкі раён
Уключае	6 населеных пунктаў
Адміністрацыйны цэнтр	Арэхава
Дата ўтварэння	12 кастрычніка 1940
Дата скасавання	10 кастрычніка 2025
Насельніцтва	▼712 чал. (2025)[1]
Часавы пояс	UTC+03:00
Тэлефонны код	+375 1651
Код аўтам. нумароў	1
Афіцыйны сайт

Геаграфія

Сельсавет знаходзіўся на поўдні раёна. Межаваў з Олтушскім сельсаветам на поўначы і Хаціслаўскім сельсаветам на паўночным усходзе, на поўдні — з Ковельскім раёнам Валынскай вобласці Украіны.

Гісторыя

Утвораны 12 кастрычніка 1940 года ў складзе Маларыцкага раёна Брэсцкай вобласці БССР. З 25 снежня 1962 года па 6 студзеня 1965 года ў Брэсцкім раёне. На 1 студзеня 1974 года ў складзе сельсавета 6 населеных пунктаў^[3]. 10 кастрычніка 2025 года сельсавет скасаваны, яго тэрыторыя далучана да Олтушскага сельсавета^[2].

Склад

На момант скасавання ў склад сельсавета ўваходзілі 6 населеных пунктаў: аграгарадок Арэхава, вёскі Добрае, Дрочава, Зеляніца, Перавісь, Перавое.

Насельніцтва

Насельніцтва сельсавета паводле перапісу 2009 года складала 1067 чалавек^[4], з іх 92,2 % — беларусы, 6,3 % — украінцы, 1,2 % — рускія^[5]; паводле перапісу 2019 года — 767 чалавек^[6].