Аскахіта

Аскахіта (Ascochyta) — род недасканалых грыбоў сямейства шаравідкавых. Больш за 1,1 тыс.відаў. Упершыню апісаны ў 1830 годзе Мары-Анн Лібер. Пашыраны па ўсім зямным шары, асабліва ў Еўропе і Паўночнай Амерыцы. На Беларусі больш за 20 відаў. Узбуджальнікі аскахітозаў. Найбольш вядомыя: аскахіта гарохавая, недасканалая, канюшынавая, вікавая, лёнавая, агурковая.

Аскахіта
Навуковая класіфікацыя
ПАВЕДАМЛЕННЕ ПРА ПАМЫЛКУ Няма таксанамічнага шаблона {{Ascochyta }}, які павінен апісваць становішча таксона Ascochyta у біялагічнай класіфікацыі.
Міжнародная навуковая назва
Ascochyta Lib., 1830
Выявы на Вікісховішчы ITIS   194416 NCBI   5453 EOL   31743 MB   7239

Міцэлій добра развіты, шматклетачны, бясколерны. Пладовыя целы (пікніды) шарападобныя або пляскатыя, цёмныя, урослыя ў тканкі раслін. Канідыі пераважна двухклетачныя, ад цыліндрычных да верацёнападобных, разносяцца кроплямі дажджу, расы, насякомымі, паветрам. Цыкл развіцця грыба 3-17 сутак. Зімуюць міцэліем і пікнідамі на раслінных рэштках, на заражаным насенні.

Літаратура

• Аскахіта // Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — С. 35. — 10 000 экз. — ISBN 985-11-0035-8. — ISBN 985-11-0061-7 (т. 2).