Асінаўка (Палескі сельсавет)

У паняцця ёсць і іншыя значэнні, гл. Асінаўка.

Не блытаць з з аднайменнай існай вёскай Меркулавіцкага сельсавета.

Асі́наўка^[1] (трансліт.: Asinaŭka, руск.: Осиновка) — былая вёска ў Чачэрскім раёне Гомельскай вобласці Беларусі. Уваходзіла ў склад Палескага сельсавета.

Вёска Асінаўка Краіна Беларусь Вобласць Гомельская Раён Чачэрскі Сельсавет Палескі Каардынаты 53°05′40″ пн. ш. 31°09′27″ у. д.HGЯO Асінаўка Асінаўка

Геаграфія

Знаходзілася за 30 км на паўночны ўсход ад горада Чачэрск, 67 км ад чыгуначнай станцыі Буда-Кашалёўская (на лініі Гомель — Жлобін), 95 км ад Гомеля.

Стаяла на рацэ Проня.

Транспартныя сувязі па прасёлкавай, затым аўтамабільнай дарозе Рудня Барталамееўская — Чачэрск. Планоўка складалася з выгнутай, амаль мерыдыянальнай вуліцы, якая перасякалася невялікай прамалінейнай вуліцай. Забудова рэдкая, драўляная, сядзібнага тыпу.

Гісторыя

Паводле пісьмовых крыніц вядомая з XVIII стагоддзя як паселішча ў Рэчыцкім павеце Мінскага ваяводства Вялікага Княства Літоўскага.

У 1926 годзе меліся паштовы пункт і школа. З 8 снежня 1926 года да 30 снежня 1927 года цэнтр Асінаўскага сельсавета Чачэрскага раёна Гомельскай акругі. У 1930 годзе арганізаваны калгас «Пераможца», працавалі кузня і смалаварня. Падчас Вялікай Айчыннай вайны акупанты стварылі ў вёсцы свой апорны пункт, разгромлены партызанамі. У лістападзе 1942 года карнікі спалілі вёску і забілі 36 жыхароў. 64 жыхары загінулі на фронце.

Паводле перапісу 1959 года ўваходзіла ў склад саўгаса «Сож» (цэнтр — вёска Сідаравічы).

Да 28 кастрычніка 1991 года ўваходзіла ў склад Сідаравіцкага сельсавета (у 1927—1980 гадах — Рудня-Барталамееўскі сельсавет).

У выніку катастрофы на Чарнобыльскай АЭС і радыяцыйнага забруджвання жыхары пераселены ў 1992 годзе ў чыстыя месцы.

Насельніцтва

• 1881 год: 52 двары, 317 жыхароў.
• 1897 год: 65 двароў, 478 жыхароў.
• 1909 год: 77 двароў, 524 жыхары.
• 1926 год: 89 двароў.
• 1940 год: 118 двароў, 617 жыхароў.
• 1959 год: 468 жыхароў.
• 1992 год: 97 сем’яў.