Асі аль-Кавалі

Асі аль-Кавалі — лідар іракска-курдскіх паўстанцаў і былы добраахвотнік апалчэння «Пешмерга». Як мяркуецца, з’яўляецца адным з кіраўнікоў групоўкі «Белыя сцягі».

Асі аль-Кавалі
Дата нараджэння	XX стагоддзе
Месца нараджэння	Туз-Хурмату
Грамадзянства	Ірак
Прыналежнасць	Пешмерга (раней) Дэмакратычная партыя Курдыстана(раней) Белыя сцягі
Род войскаў	апалчэнне
Бітвы/войны	Грамадзянская вайна ў Іраку • Іракска-курдскі канфлікт (2017) Барацьба з тэрарызмам у Іраку пасля 2017 года

Біяграфія

Кавалі родам з горада Туз-Хурмату мухафазы Салах-эд-Дзін. Жыў у беднай сям’і. Зарабляў за кошт паставак вады, якую чэрпаў з ракі каля дома і развозіў на сваім трактары. Знаёмыя апісвалі як спакойнага чалавека. У нейкі момант звязаўся з мулой Крэкарам, мусульманскім святаром і заснавальнікам «Ансар аль-Іслам». Меркавана таксама займеў сувязі з членамі ІДІЛ^[1].

Некаторы час Кавалі быў членам Дэмакратычнай партыі Курдыстана і прыхільнікам Масуда Барзані, а таксама добраахвотнікам «Пешмергі». Разам са сваімі аднадумцамі здзяйсняў напады на сілы бяспекі і праўрадавыя ваенізаваныя фарміраванні^[2][3][4].

У красавіку 2016 года атрымаў вядомасць пасля распаўсюджвання курдскімі СМІ фотаздымкаў, дзе Кавалі зрывае сцяг апалчэння «Катаіб Хезбала», якое ваявала на баку ўладаў у складзе кааліцыі «Сілы народнай мабілізацыі»^[5].

У кастрычніку 2017 года на фоне ўзброенага канфлікту паміж цэнтральным урадам Ірака і ўладамі Курдскай аўтаноміі ўзначаліў напад на штаб Сіл народнай мабілізацыі ў Туз-Хурмату.

У снежні таго ж года далучыўся да арганізацыі «Белыя сцягі», стаўшы адным з яе кіраўнікоў^[6]. Ужо 28 снежня ён быў арыштаваны іракскімі сіламі бяспекі разам з некаторымі іншымі членамі групоўкі па падазрэнні ў адказнасці за абстрэл камандных пунктаў туркменскіх атрадаў Сіл народнага мабілізацыі ў Кіркуку^[7][8][9].

Зноскі

1. Akgungor, Ilker. Barzani’nin ‘Beyaz bayraklısı’ yakalandı! (нявызн.). Medium (17 снежня 2017).
2. 'الشرق الأوسط': خلفاء داعش الإرهابية في العراق (нявызн.). صدى البلد (18 снежня 2017).
3. Marc Simms. Potential threat to Oil facilities and transports by the white flags (нявызн.). Proeliumlaw.com (24 красавіка 2018). Праверана 2 лістапада 2019.
4. Berkel, Pieter Van. [DIEPGAAND Nieuwe gewapende groep verschijnt in Irak] (нявызн.)(недаступная спасылка) (16 снежня 2017). Архівавана з першакрыніцы 19 жніўня 2019. Праверана 4 жніўня 2022.
5. Info (нявызн.). rudaw.net. Праверана 2 лістапада 2019.
6. الرايات البيضاء تشعل التوتر بين البيشمركة والحشد الشيعي (нявызн.)(недаступная спасылка). أورينت نت. Архівавана з першакрыніцы 28 снежня 2024. Праверана 4 жніўня 2022.
7. White Flag group no cause for alarm, Iraq says (нявызн.). Diyaruna.
8. "عاصي قوالي" | شبكة عراق الخير (нявызн.)(недаступная спасылка). Архівавана з першакрыніцы 1 кастрычніка 2022. Праверана 4 жніўня 2022.
9. القوات الأمنية تعتقل احد قيادات تنظيم "الرايات البيضاء" (нявызн.). الموقف العراقي (15 снежня 2017).