Белыя сцягі

Белыя сцягі (курд.: ئاڵاى سپى) — ваяўнічая ісламісцкая курдская групоўка на поўначы Ірака, якая выступае супраць іракскага ўрада^[5][6]. Яе першая згадка ў СМІ адносіцца да кастрычніка 2017 года, а менавіта да бітвы за Кіркук^[7][8].

Белыя сцягі
З'яўляецца часткай	Іракскія паўстанцы
Ідэалогія	ісламізм
Этнічная прыналежнасць	курды
Лідары	Хіва Чор Халед аль-Марадзі[1] Ахмед Хакома Асі аль-Кавалі[2]
Штаб-кватэра	Tuz Khormato[d]
Актыўная ў	Туз-Хурмату
Сфарміравана	2017
Саюзнікі	ІДІЛ, Ансар аль-Іслам, Армія людзей накшбандзійскага ордэна, Пешмерга (спрэчна)[3]
Праціўнікі	Узброеныя сілы Ірака[4]
Колькасць членаў	500–1000[4]
Удзел у канфліктах	Грамадзянская вайна ў Іраку, Барацьба з тэрарызмам у Іраку пасля 2017 года

Ідэалогія, паходжанне і сувязі

Пытанне паходжання арганізацыі застаецца дыскусійным:

• Некаторыя, у тым ліку іракскія грамадзянскія і ваенныя чыноўнікі, а таксама рэгіянальныя эксперты, сцвярджалі, што «Белыя сцягі» — гэта курдская нацыяналістычная або сепаратысцкая фракцыя, якая была заснавана ў адказ на захоп горада Кіркук Іракам, а яе члены называлі сябе «курдскім супрацівам»^[9][10]. Некаторыя іракскія афіцыйныя асобы нават заяўлялі, што іх падтрымлівала Пешмерга і рэгіянальны ўрад Курдыстана, хоць апошні адмаўляў гэта^[10].
• Паводле іншых крыніц, «Белыя сцягі» былі сфармаваны як саюз розных антыўрадавых апалчэнняў, у тым ліку курдскіх злучэнняў Ісламскай дзяржавы Ірака і сіл Леванта, рэшткаў «Ансар аль-Іслам», баасістаў, звязаных з Арміяй накшбандзійскага ордэна, прыхільнікаў Садама Хусейна і «Джамаат Ансар аль-Суна». Згодна з гэтай версіяй, яны, верагодна, ніяк не звязаны з рэгіянальным урадам Курдыстана^[9][10].
• Біл Роджыа, галоўны рэдактар часопіса FDD's Long War Journal, сказаў, што група можа быць спробай рэбрэндынгу «Ансар аль-Іслам» ці проста сумессю ісламісцкіх баевікоў, не звязаных з знешнімі арганізацыямі, ці нават курдскім рухам^[10].
• Урад Ірака заяўляў, што «Белыя сцягі» з’яўляюцца прыкрыццём для «Ансар аль-Іслам»^[2][11].

Арганізацыя і тактыка

Іракскія афіцыйныя асобы лічаць «Белыя сцягі» тэрарыстычнай арганізацыяй. У канцы 2017 года іракска-туркменскі дэпутат абвінаваціў курдскіх лідараў у падтрымцы групоўкі. Гэта было аспрэчана рэгіянальным урадам Курдыстана^[12].

Лідар групоўкі Хіва Чор, аднавокі баявік гадоў за сорак^[13], былы член Аль-Каіды ў Іраку, быў не згодны з амбіцыйнымі планамі халіфата ІДІЛ, таму пакінуў арганізацыю разам з туркменскім баевіком з мухафазы Дыяла^[14]. Фракцыя выкарыстоўвае розныя партызанскія тактыкі, такія як засады і выкарыстанне самаробнай выбухоўкі. Яна таксама выкарыстоўвае мінамёты і ракеты. Група дзейнічае ў раёне Туз-Хурмату і часта здзяйсняе напады на нафтавыя радовішчы і дарогі ў гэтай мясцовасці^[4].

Гл. таксама

• Спіс узброеных груповак грамадзянскай вайны ў Іраку (2011—2017)

Зноскі

1. White Flags - intelNews.org (нявызн.). Архівавана з першакрыніцы 3 October 2018. Праверана 4 January 2019.
2. Suadad al-Salhy. Kurdish militant group re-emerges in northern Iraq under new name (нявызн.). Arab News (14 снежня 2017). Архівавана з першакрыніцы 14 December 2017. Праверана 14 December 2017.
3. Archived copy (нявызн.). Архівавана з першакрыніцы 19 жніўня 2019. Праверана 19 жніўня 2019.
4. Tom Westcott. No surrender: 'White Flags' group rises as new threat in northern Iraq (нявызн.). Middle East Eye (31 студзеня 2018). Архівавана з першакрыніцы 31 January 2018. Праверана 7 March 2018.
5. Shadowy Terrorist Group Emerges in Iraq (англ.)  (нявызн.) ?. Washington Free Beacon (14 сакавіка 2018). Праверана 26 снежня 2021.
6. White Banners Movement Ignites War of Words Among Iraqi Factions (англ.). Asharq AL-awsat. Праверана 27 снежня 2021.
7. No surrender: 'White Flags' group rises as new threat in northern Iraq (англ.). Middle East Eye. Праверана 27 снежня 2021.
8. After ISIS black flags, Iraq faces 'White Banners' threat | Mamoon Alabbasi (англ.). AW. Праверана 27 снежня 2021.
9. Al-awsat, Asharq. Middle-east Arab News Opinion (нявызн.). aawsat.com. Архівавана з першакрыніцы 23 October 2018. Праверана 4 January 2019.
10. Bill Gertz. Shadowy Terrorist Group Emerges in Iraq (нявызн.). The Washington Free Beacon (14 сакавіка 2018). Архівавана з першакрыніцы 14 March 2018. Праверана 28 October 2018.
11. Iraqi security forces repel White Flags terrorists in Tuz Khurmatu (нявызн.)(недаступная спасылка). The Baghdad Post (25 студзеня 2018). Архівавана з першакрыніцы 3 кастрычніка 2018. Праверана 1 жніўня 2022.
12. After ISIS black flags, Iraq faces 'White Banners' threat - The Arab Weekly (нявызн.). Архівавана з першакрыніцы 9 лютага 2018. Праверана 7 сакавіка 2018.
13. Mackay, Neil (8 April 2018). ISIS 2.0. Sunday Herald.
14. Purpose, Task &. A 'post-ISIS insurgency' is gaining steam in Iraq (нявызн.). Business Insider. Архівавана з першакрыніцы 25 April 2018. Праверана 4 January 2019.