Аэрапорт (вакзал, Франкфурт-на-Майне)
From Wikipedia, the free encyclopedia
Remove ads
Аэрапорт Франкфурт-на-Майне, Аэрапорт (ням.: Frankfurt am Main Flughafen Fernbahnhof) — чыгуначны вакзал далёкіх зносін, які размешчаны каля міжнароднага аэрапорта Франкфурта-на-Майне, адзін з буйных вакзалаў Германіі, каля 20 000 пасажыраў у суткі. Злучае аэрапорт у Франкфурце з найбуйнымі гарадамі ў Германіі. Штодня адпраўляюцца 210 цягнікоў дальняга следавання, з іх — 185 цягнікоў Еўрасіці. Адкрыты 30 мая 1999 года, з’яўляецца адным з найбуйнейшых транспартных вузлоў краіны, забяспечваючы сувязь паміж авіяцыйнымі і міжгароднімі чыгуначнымі перавозкамі.
Remove ads
Гісторыя
Планы стварэння асобнага вакзала ўзніклі ў 1970-я гады разам з праектаваннем хуткаснай лініі Кёльн — Рэйн/Майн. У 1990-я існы рэгіянальны вакзал працаваў на мяжы магчымасцяў, таму было прынята рашэнне аб будаўніцтве асобнага комплексу для далёкіх маршрутаў.
Будаўніцтва працягвалася з 1997 па 1999 гады і ўключала ўзвядзенне жалезабетонных канструкцый, шклянога даху і сістэмы вентыляцыі, якая ліквідуе скразнякі пры праходжанні хуткасных цягнікоў.
Remove ads
Архітэктура
Вакзал пабудаваны паводле тыпу Reiterbahnhof (платформы размешчаныя над аўтамабільнай дарогай). Даўжыня збудавання — каля 660 м[1]. У ім чатыры коліі з дзвюма шырокімі платформамі.
Вялікая шкляная зала забяспечвае натуральнае асвятленне і злучаецца з Тэрміналам 1 праз крытую пешаходную галерэю даўжынёй каля 200 м.
Транспартнае значэнне
Флугхафэн Фернбанхоф абслугоўвае хуткасныя цягнікі ICE, а таксама іншыя далёкія маршруты. Асноўныя напрамкі: Кёльн, Бон, Майнц, Мангайм, Штутгарт, Берлін, Гамбург.
Вакзал мае стратэгічнае значэнне як вузел, які аб’ядноўвае паветраную і чыгуначную сеткі, і штогод прымае мільёны пасажыраў.
Спасылкі
На Вікісховішчы ёсць медыяфайлы па тэме Аэрапорт (вакзал, Франкфурт-на-Майне)
Крыніцы
Wikiwand - on
Seamless Wikipedia browsing. On steroids.
Remove ads