Аўсянікі

У паняцця ёсць і іншыя значэнні, гл. Аўсянікі, значэнні.

Аўсянікі^[1], Падзёнкі^[2] (Ephemeroptera) — атрад крылатых насякомых.

Аўсянікі
Аўсянік двухкрылы (Cloeon dipterum)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Атрад:  Аўсянікі
Міжнародная навуковая назва
Ephemeroptera Hyatt & Arms, 1891
Выявы на Вікісховішчы ITIS   100502 NCBI   30073 EOL   523 FW   70511

Назва

Навуковая назва ад стар.-грэч.: ἐφήμερος — хуткаплынны, і πτερόν — крыло. Назва звязана з тым, што дарослыя насякомыя часта жывуць не больш за суткі.

Апісанне

У імага даўжыня цела 5–30 мм, брушка падоўжанае. Маюцца дзве пары сеткаватых празрыстых і вельмі тонкіх крылаў, прычым пярэднія крылы заўсёды значна буйнейшыя за заднія (у некаторых аўсянікаў заднія крылы зусім не развітыя), а на канцы брушка — тры, або радзей дзве, доўгія тонкія членістыя хваставыя ніткі.

Развіццё з няпоўным ператварэннем. Лічынкі развіваюцца ў вадзе 1-4 гады, кормяцца дэтрытам, водарасцямі.

Для аўсянікаў характэрны ўнікальны для крылатых насякомых працэс — лінька акрыленай формы і наяўнасць двух крылатых фаз — субімага і імага. Дарослыя не кормяцца, жывуць ад некалькіх гадзін да 10 сутак.

Пашырэнне

Старажытны атрад насякомых, знаходкі вядомы, пачынаючы з дэвону.

Распаўсюджаныя па ўсім зямным шары, акрамя Гавайскіх астравоў у Ціхім акіяне і вострава Святой Алены ў Атлантычным акіяне.

Атрад уключае больш за 3000 відаў. На Беларусі адзначаны аўсянік двухкрылы (Cloeon dipterum), аўсянік звычайны (Ephemera vulgata), аўсянік дацкі (Ephemera danica) і інш.