Аляксандр Георгіевіч Наканечнікаў

Аляксандр Георгіевіч Наканечнікаў (руск.: Александр Георгиевич Наконечников; 3 [16] верасня 1915; сяло Дзергачы, Самарская губерня — 10 лістапада 1946; горад Баранавічы, Брэсцкая вобласць) — Герой Савецкага Саюза (1 ліпеня 1944), падпалкоўнік (1943).

Аляксандр Георгіевіч Наканечнікаў
Дата нараджэння	16 верасня 1915(1915-09-16)
Месца нараджэння	Дзергачы, Новаўзенскі павет[d], Самарская губерня, Расійская імперыя
Дата смерці	10 лістапада 1946(1946-11-10) (31 год)
Месца смерці	Баранавічы, Баранавіцкая вобласць, Беларуская ССР, СССР
Месца пахавання	Могілкі на вуліцы Загараднай у Баранавічах
Грамадзянства	СССР
Прыналежнасць	СССР
Род войскаў	ВПС
Гады службы	1933—1946
Званне	Падпалкоўнік ВПС СССР
Часць	226 БАП, → 243 ШАП, →78 ГШАП, → 11 ГШАД
Камандаваў	палком, дывізіяй
Бітвы/войны	Грамадзянская вайна ў Іспаніі, Вялікая Айчынная вайна
Узнагароды і званні	Медаль «За абарону Сталінграда» Медаль «За ўзяцце Берліна» Медаль «За вызваленне Варшавы»

У Вікіпедыі ёсць артыкулы пра іншых людзей з прозвішчам Наканечнікаў.

Біяграфія

Нарадзіўся 3 (16) верасня 1915 года ў сяле Дзергачы цяпер пасёлак Саратаўскай вобласці. Рускі. У 1931 годзе скончыў 7 класаў школы, у 1933 годзе — 2 курсу Саратаўскага індустрыяльнага тэхнікума.

У арміі з верасня 1933 года. У 1936 годзе скончыў Энгельскую ваенную авіяцыйную школу лётчыкаў. Служыў у страявых часцях ВПС (у Кіеўскай ваеннай акрузе).

У маі-лістападзе 1938 года ўдзельнічаў у баявых дзеяннях у Іспаніі на баку рэспубліканцаў, здзейсніў некалькі баявых вылетаў на бамбардзіроўшчыку СБ. Быў узнагароджаны ордэнам Чырвонага Сцяга.

У 1940 годзе скончыў Ліпецкія вышэйшыя авіяцыйныя курсы ўдасканалення. Працягваў службу ў ВПС, камандаваў авіяэскадрылляй (у Кіеўскай ваеннай акрузе).

Удзельнік Вялікай Айчыннай вайны: у чэрвене-жніўні 1941 — камандзір авіяэскадрыллі 226-га бліжнебамбардзіровачнага палка (Паўднёва-Заходні фронт). Удзельнічаў у абароне Кіева, здзейсніў некалькі баявых вылетаў на бамбардзіроўшчыку Су-2.

У маі 1942-верасні 1944 — камандзір 243-га (з сакавіка 1943 года — 78-га гвардзейскага) штурмавога авіяцыйнага палка. Ваяваў на Паўднёва-Заходнім, Данскім, Цэнтральным, Беларускім і 1-м Беларускім франтах. Удзельнічаў у Харкаўскай бітве, Сталінградскай і Курскай бітвах, вызваленні Левабярэжнай Украіны і Беларусі. Да лютага 1944 года здзейсніў 81 баявы вылет на штурмавіку Іл-2 на штурмоўку тэхнікі і войскаў праціўніка.

За ўмелае кіраўніцтва палком і асабістую мужнасць і гераічнасць, выяўленыя ў баях, Указам Прэзідыума Вярхоўнага Савета СССР ад 1 ліпеня 1944 года гвардыі падпалкоўніку Наканечнікаву Аляксандру Георгіевічу прысвоена званне Героя Савецкага Саюза з уручэннем ордэна Леніна і медалі «3алатая Зорка» (№ 3043).

У верасні 1944-маі 1945 — камандзір 11-й гвардзейскай штурмавой авіяцыйнай дывізіі 16-я паветраная армія (1-ы Беларускі фронт). Лётчыкі пад яго камандаваннем удзельнічалі ў вызваленні Польшчы і штурме Берліна.

Пасля вайны працягваў службу ў страявых часцях ВПС, з лістапада 1945 года камандаваў 76-м гвардзейскім штурмавым авіяцыйным палком (у Беларускай ваеннай акрузе). Трагічна загінуў (атруціўся) 10 лістапада 1946 года. Пахаваны ў брацкай магіле савецкіх воінаў на могілках па вуліцы Загараднай у Баранавічах. У 1963 годзе на брацкай магіле пастаўлены абеліск^[1].

Узнагароды

• Герой Савецкага Саюза (1.07.1944);
• ордэн Леніна (1.07.1944);
• тры ордэны Чырвонага Сцяга (22.02.1939, 3.01.1943, 9.06.1945);
• ордэн Суворава 3-й ступені (14.10.1943);
• ордэн Аляксандра Неўскага (12.07.1943);
• ордэн Айчыннай вайны 1-й ступені (6.02.1943);
• медаль «За баявыя заслугі» (3.11.1944);
• іншыя медалі.

Памяць

Яго імя носіць школа ў пасёлку Дзергачы, у якой ён вучыўся, і вуліца ў Баранавічах. Перад школай у пасёлку Дзергачы пастаўлены абеліск.

Зноскі

1. Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1984. — Брэсцкая вобласць. — 368 с., іл.