Аляксандр Пятровіч Крохалеў

Аляксандр Пятровіч Крохалеў (Крахалёў; 22 сакавіка 1943, с. Сабацінаўка, Адэская вобласць, Украіна) — беларускі скульптар.

Аляксандр Пятровіч Крохалеў
Дата нараджэння	22 сакавіка 1943(1943-03-22) (82 гады)
Месца нараджэння	Сабатыніўка[d], Благавішчэнскі раён, Адэская вобласць, УССР, СССР
Род дзейнасці	скульптар
Жанр	манументальная скульптура і станковая скульптура
Вучоба	Мінскае мастацкае вучылішча (1960) Беларускі дзяржаўны тэатральна-мастацкі інстытут (1972)
Уплыў	Леў Мікалаевіч Гумілеўскі, Анатоль Аляксандравіч Анікейчык, Андрэй Ануфрыевіч Бембель і Аляксей Канстанцінавіч Глебаў
Член у	Беларускі саюз мастакоў

У Вікіпедыі ёсць артыкулы пра іншых людзей з прозвішчам Крохалеў.

Біяграфія

Скончыў у 1960 годзе Мінскае мастацкае вучылішча, у 1972 — Беларускі тэатральна-мастацкі інстытут. Вучыўся ў Л. Гумілеўскага, А. Анікейчыка, А. Бембеля, А. Глебава. Удзельнік мастацкіх выставак з 1967 года^[1].

Член Беларускага саюза мастакоў з 1976 года^[1].

Пражывае ў г. Мінску.

Творчасць

Працуе ў манументальнай і станковай скульптуры. Асноўныя творы: помнік героям Мінскага падполля, мемарыялы «Спаленай вёсцы Брыцалавічы» (Мінская вобласць), «Маці-Беларусь», загінуўшым у Вялікую Айчынную вайну ў в. Вішнёва, «Землякам, якія не вярнуліся з вайны» ў г.п. Бялынічы (усе ў Магілёўскай вобласці, у сааўтарстве); станковыя кампазіцыі «Нармандыя-Нёман», «Космас», «Восеньскія вяселлі»; партрэты А. Клышкі, Я. Коласа, Ф. Дзяржынскага; алеі партрэтаў у г.п. Бялынічы і ў г.п. Круглае^[1].

Творы знаходзяцца ў Нацыянальным мастацкім музеі Беларусі, фондах БСМ, Івянецкім і Лунінецкім краязнаўчых музеях^[1].

Зноскі

1. Крохалеў Аляксандр Пятровіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.