Бамія

Ба́мія^[1] (Abelmoschus esculentus, раней лічылася Hibiscus esculentus) — від кветкавых раслін роду Абельмош (Abelmoschus) сямейства Мальвавыя, вырошчваецца ў якасці гародніны.

Бамія
Бамія
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Мальвакветныя Сямейства:  Мальвавыя Падсямейства:  Malvoideae Трыба:  Hibisceae Род:  Abelmoschus Від:  Бамія
Міжнародная навуковая назва
Abelmoschus esculentus (L.) Moench
Сінонімы
Hibiscus esculentus L.
Сістэматыка на Віківідах Выявы на Вікісховішчы ITIS   21770 NCBI   455045 EOL   584458 GRIN   t:619 IPNI   558006-1 TPL   kew-2609574

Батанічнае апісанне

Аднагадовая травяністая расліна вышынёй да 2 м. Лісце пальчаталопасцевае, на доўгіх чаранках. Кветкі жоўтага колеру, адзіночныя, размешчаныя ў пазухах лісця. Плод — каробачка выцягнутай формы даўжынёй да 25 см.

Распаўсюджанне і экалогія

Цеплалюбівая і святлолюбівая расліна. Паходзіць з Усходняй Афрыкі. Вырошчваецца ў краінах Паўночнай Амерыкі, Паўднёвай Еўропы, у Закаўказзі.

Гаспадарчае значэнне

Тэхнічная, лекавая, кармавая і гароднінная расліна. Са сцёблаў вырабляюць грубыя валокны. Няспелыя плады і лісце спажываць у ежу. З насення баміі вырабляюць сурагаты кавы і какавы.

Злева направа: кветка, плады, плод у разрэзе

Зноскі

1. Напісанне Бамія у адпаведнасці з БЭ ў 18 тамах., Т. 2. — Мн., 1996. — С. 271.