Каробачка

Каробачка^[1], пушачка^[2] — сухі шматнасенны плод раслін, утвораны некалькімі пладалісцікамі і здольны да раскрыцця.

Каробачкі мака

Уласціва многім відам (напрыклад, прадстаўнікам родаў мак, трыпутнік, цюльпан, бавоўнік і інш.). Бывае двух- ці шматгнездавая (паслёнавыя, залознікавыя, лілейныя), аднагнездавая з пасценнымі (фіялкавыя (Violaceae), званочкавыя) ці з цэнтральнымі (гваздзіковыя) насенняносцамі.

Каробачкай называюць таксама частку спарангія імхоў, дзе знаходзяцца споры.