Баранаўскі сельсавет

Бара́наўскі сельсавет — былая адміністрацыйна-тэрытарыяльная адзінка ў складзе Гродзенскага раёна Гродзенскай вобласці. Цэнтр — вёска Баранава.

Баранаўскі сельсавет
Краіна	Беларуская ССР
Уваходзіў у	Гродзенскі раён
Уключаў	9 населеных пунктаў
Адміністрацыйны цэнтр	Баранава
Дата ўтварэння	12 кастрычніка 1940
Дата скасавання	28 ліпеня 1967

Утвораны 12 кастрычніка 1940 года як Навасёлкаўскі сельсавет у складзе Гродзенскага раёна Беластоцкай вобласці БССР. Цэнтр — вёска Навасёлкі. З 20 верасня 1944 года ў складзе Гродзенскай вобласці. 16 ліпеня 1954 года сельсавет перайменаваны ў Баранаўскі, цэнтр перанесены ў вёску Баранава^[1]. 28 ліпеня 1967 года скасаваны, тэрыторыя далучана да Капцёўскага (4 населеныя пункты: вёскі Зарубічы, Навасёлкі, Путна і Саломенка) і Квасоўскага (5 населеных пунктаў: вёскі Баранава, Грыўкі, Кругляны, Лікоўка і Хліставічы) сельсаветаў^[2].

На момант скасавання ў склад сельсавета ўваходзілі 9 населеных пунктаў.