Барысаўская швейная фабрыка

Барысаўская швейная фабрыка — прадпрыемства ў Барысаве. Размешчана па вул. Ібаруры, 9. Колькасць супрацоўнікаў сладае 141 чалавек.

Барысаўская швейная фабрыка
Тып	адкрытае акцыянернае таварыства
Заснаванне	1963
Краіна	Беларусь
Размяшчэнне	г. Барысаў, Беларусь
Галіна	швейная прамысловасць
Прадукцыя	вопратка і адзенне спецыяльнага прызначэння
Колькасць супрацоўнікаў	141

Гісторыя

Заснавана ў 1963 годзе як філіял Мінскага вытворчага швейнага аб’яднання імя Н. К. Крупскай. З 1990 года арэнднае, з 1992 года народнае прадпрыемства, з 1997 года ААТ з сучаснай назвай. У складзе фабрыкі 2 швейных, раскройна-падрыхтоўчы цэхі, эксперыментальны ўчастак, дапаможныя службы, аб’екты сацыяльнай інфраструктуры.

Прадукцыя

Вырабляе (2005) вопратку для дарослых і дзяцей, адзенне спецыяльнага прызначэння (для будаўнічых і дарожных работ, форменнае абмундзіраванне для ваеннаслужачых). Прадукцыя пастаўляецца на ўнутраны і знешні рынкі, у т.л. у Вялікабрытанію, ЗША.

Літаратура

• Борисовская швейная фабрика // Республика Беларусь: Энциклопедия в 7 т. Т. 2: А — Герань / редкол. Г. П. Пашков и др. — Минск: БелЭн, 2006. — 912 с : ил. — ISBN 985-11-0341-1. — ISBN 985-11-0371-3 (Т. 2).

Спасылкі

• Афіцыйны сайт