Барыс Парфёнавіч Савіцкі

Барыс Парфёнавіч Саві́цкі^[1] (25 студзеня 1933 — 2008^[2]) — вучоны, заолаг і эколаг, доктар біялагічных навук (1973), прафесар (1976).

Барыс Парфёнавіч Савіцкі
Дата нараджэння	25 студзеня 1933(1933-01-25)
Месца нараджэння	Менск, Беларуская ССР, СССР
Дата смерці	2008
Грамадзянства	СССР  Беларусь
Род дзейнасці	навуковец
Навуковая сфера	заалогія і экалогія
Месца працы	Рэспубліканскі навукова-практычны цэнтр эпідэміялогіі і мікрабіялогіі Гомельскі дзяржаўны ўніверсітэт імя Францыска Скарыны Навукова-практычны цэнтр НАНБ па біярэсурсах БДУ
Навуковая ступень	доктар біялагічных навук (1973)
Навуковае званне	прафесар
Альма-матар	біялагічны факультэт БДУ

У Вікіпедыі ёсць артыкулы пра іншых людзей з прозвішчам Савіцкі.

Біяграфія

Нарадзіўся ў Мінску. У 1955 годзе скончыў біялагічны факультэт Беларускага дзяржаўнага ўніверсітэта. У 1956—1962 гадах працаваў у Беларускім навукова-даследчым інстытуце эпідэміялогіі і мікрабіялогіі^[3]. Потым займаў пасаду загадчыка лабараторыі медыцынскай заалогіі і паразіталогіі ў Хабараўскім навукова-даследчым інстытуце эпідэміялогіі і мікрабіялогіі, загадчыка кафедры заалогіі Дзяржаўнага педагагічнага ўніверсітэта ў Камсамольску-на-Амуры^[3]. З 1974 года працаваў у Гомельскім дзяржаўным універсітэце на кафедры заалогіі і аховы прыроды біялагічнага факультэта. Пасаду загадчыка гэтай кафедры займаў у 1974—1990 гадах^[3]. З 1990 года Б. П. Савіцкі ў Вярхоўны Савеце, член Прэзідыума, старшыня камісіі^[1]. З 1996 года ў Інстытуце заалогіі Акадэміі навук Беларусі^[1]. Таксама працаваў у Беларускім дзяржаўным універсітэце, дзе займаў пасаду намесніка дырэктара Міжведамаснага цэнтра праблем нацыянальных паркаў і запаведнікаў^[3].

Навуковая дзейнасць

Аўтар прац па экалогіі ўзбуджальнікаў асабліва небяспечных інфекцый, экалогіі і фаўне кровасысучых насякомых, агульнай экалогіі, ахове прыроды.

Сярод апублікаванага:

• Трансисионнные зоонозы в Гомельской области. — Мозырь, 1999 (разам з Л. С. Цвірко);
• Популяцинно-генетические ресурсыпихты белой в беларуси. — Гомель, 2000 (разам з Р. Р. Ганчарэнкам).

Зноскі

1. БелЭн 2002.
2. Вучоныя Беларусі: Савіцкі, Барыс Парфёнавіч (доктар біялагічных навук; 1933—2008)
3. Вучоныя Беларусі: Савіцкі, Барыс Парфёнавіч (доктар біялагічных навук; 1933—2008)