Баявая ўскалось (часопіс)

«Баява́я Ўскало́сь» — беларускі літаратурны ілюстраваны часопіс, які выдаваў на эміграцыі Сяргей Хмара^[1] як Ворган Літаратурнай Сустані «Баявая Ўскалось». Часопіс выказваўся за адзінства беларускай культуры, незалежна ад месца пражывання ейных творцаў, друкаваў творы беларускіх пісьменнікаў, якія жылі на эміграцыі, у БССР і на Беласточчыне, заходнебеларускую рэвалюцыйную паэзію, хроніку, кнігапіс і інш. Абапіраўся на ідэйную традыцыю Беларускай сялянска-работніцкай грамады.

«Баявая ўскалось»
Тып	літаратурны часопіс[d]
Выдавец	Сяргей Хмара
Краіна	Заходняя Германія Канада
Галоўны рэдактар	Міхась Панькоў Сяргей Хмара
Заснавана	ліпень 1949 года
Спыненне публікацый	1981 год
Тэматыка	беларуская літаратура
Мова	беларуская
Галоўны офіс	Таронта

Гісторыя

Часопіс выдаваўся ў ліпені 1949 — лютым 1950 у Заходняй Германіі, у 1954—81 у Канадзе (Таронта) на беларускай мове.

У часопісе Сяргей Хмара часта друкаваў польскіх беларусаў: Віктара Шведа, Уладзіміра Гайдука, Сакрата Яновіча, Петруся Макаля, Алеся Барскага і іншых аўтараў^[2]. З пісьменнікаў-эмігрантаў у часопісе сустракаліся: Анатоль Самотны^[2], Міхась Кавыль^[3], Язэп Таўпека^[4], Васіль Вір^[5] і іншыя.

Нумары

Усяго было выдадзена 18 нумароў, ніжэй паказаныя гады выпуску некаторых нумароў:

• № 6 — 1962^[6].
• № 7 — 1962^[2].
• № 8 — 1969^[3].
• № 9 — 1970^[3].
• № 10 — 1970^[3][7].
• № 11 — 1971^[3].
• № 12 — 1972^[3][8].
• № 13 — 1973^[9].
• № 14 — 1974^[7]
• № 15 — 1976^[10].
• № 17 — 1977^[11].
• № 18 — 1981^[1].

Рэдактары

• Міхась Панькоў (1949—50)
• Сяргей Хмара (1954—81)