Белагруды мядзведзь

Белагруды мядзведзь, таксама Гімалайскі або Чорны мядзведзь (Ursus thibetanus), млекакормячае атрада драпежных. Белагрудага мядзведзя некаторыя даследчыкі вылучаюць у асобны род Selenarctos, «месяцавы мядзведзь».

Белагруды мядзведзь
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Млекакормячыя Падклас:  Звяры Інфраклас:  Плацэнтарныя Надатрад:  Laurasiatheria Атрад:  Драпежныя Падатрад:  Сабакападобныя Інфраатрад:  Arctoidea Парватрад:  Ursida Сямейства:  Мядзведзевыя Род:  Мядзведзі Від:  Белагруды мядзведзь
Міжнародная навуковая назва
Ursus thibetanus G. Cuvier, 1823
Арэал
Ахоўны статус
Уразлівыя IUCN 3.1 Vulnerable : / 22824
Сістэматыка на Віківідах Выявы на Вікісховішчы ITIS   621850 NCBI   9642 EOL   328069 FW   104029

Знешні выгляд

Белагруды мядзведзь па велічыні амаль удвая меншы за бурага і адрозніваецца ад яго больш стройным целаскладам, тонкай востраносай пысай, вялікімі акруглымі вушамі. Пярэднія лапы мацнейшыя за заднія. Самцы гэтага віду 150—170 см даўжынёй, вышыня ў карку каля 80 см, важаць 120—140 кг. Самкі драбнейшыя.

Поўсць кароткая, бліскучая, шаўкавістая; звычайна чорная, але сустракаюцца асобіны бураватага або рудога колеру. На грудзях заўсёды ёсць белая, часам з жаўтаватым адценнем пляма ў форме літары V, якая нагадвае паўмесяц. Менавіта з-за яе гімалайскага мядзведзя называюць «месяцавым».